Local

අලුත් මන්ත්‍රීලාට තෙදින පුහුණුවක්..

Sunday, 17 November 2024 - 9:58 am

10 වැනි පාර්ලිමේන්තුවට තේරී පත්වූ නවක මන්ත්‍රීවරුන් වෙනුවෙන් දින තුනක විශේෂ වැඩමුළුවක් පැවැත්වීමට තීරණය කර ඇතිබව පාර්ලිමේන්තු මහ ලේකම් කාර්යාලය පවසයි.

ඒ අනුව ලබන 25, 26 සහ 27 දිනවල පැවැත්වීමට නියමිතයි.

පාර්ලිමේන්තු ක්‍රමවේදය, සභාවේ කටයුතු සහ කාරක සභාවන්හි කටයුතු සම්බන්ධයෙන් මෙහිදී නවක මන්ත්‍රීවරුන් දැනුවත් කිරීමට නියමිතයි.

දස වැනි පාර්ලිමේන්තුවට තේරී පත්වන මන්ත්‍රීවරුන් ලියාපදිංචි කිරීමේ කටයුතු පාර්ලිමේන්තු පරිශ්‍රයේදී ලබන 18,19 සහ 20 දිනවලදී සිදු කෙරේ.

මේ හේතුවෙන් පාර්ලිමේන්තු සේවකයන්ගේ නිවාඩු ලබන 18 සිට 22 දක්වා අවලංගු කර තිබේ.

නව පාර්ලිමේන්තු සැසිය ලබන 21 වනදා උදෑසන 10.00ට රැස්වීමට නියමිතයි.