හොරු රැසක් රජයේ වාහන මග දමා පැන ගිහින්… නම් ගම් සහිත හෙලිදරවුවක්..
Wednesday, 25 September 2024 - 8:56 pm
ජනාධිපති ලේකම් කාර්යාලයට අයත් වාහන 253ක් ඉන් පරිබාහිර කටයුතු සඳහා යොදවා ඇති බව ජාතික ජන බලවේගය ජාතික විධායක සභික වසන්ත සමරසිංහ මහතා සඳහන් කරයි.
ජනාධිපති ලේකම් කාර්යාලයට අයත් වාහන 830 ක් ලේඛනගතව ඇති බවද පැවසූ ඔහු ඉන් වාහන 29ක් අතුරුදහන්ව ඇති බවද කියා සිටියේය.
අනුර දිසානායක මහතා ජනාධිපති ධුරයට පත් වූ පසු එම වාහන රැසක් තැන් තැන්වල නවත්වා ගොස් ඇති බවත් ගාලු මුවදොර පිටිය, පදනම් ආයතනය, ලක්සල ඉදිරිපිට ආදි ස්ථානවල මෙසේ වාහන දමා ගොස් ඇතැයිද ඔහු සඳහන් කළේය.
මෙම වාහන බාර දුන්නේ කාටද ඒවා භාර ගත්තේ කවුද යන්න සම්බන්ධයෙන් ඉදිරියේදී විධිමත් විමර්ශනයක් සිදුකර එම නම් ගම් රටට හෙළිදරව් කරන බවද හෙතෙම තවදුරටත් කියා සිටියේය.
ගාළුමුවදොර එවන් වාහන නවත්වා ඇති ස්ථානයකට පැමිණි අවස්ථාවේ මාධ්‍ය අමතමින් ඔහු මේ බව සඳහන් කළේය.
