බදු නැති පෙට්රල් කෝ.. ලීටරේ 170ට දෙන්න පුළුවං..
Friday, 01 November 2024 - 6:37 pm
පෙට්රල් හා ඩීසල් මත පනවා ඇති බදු ඉවත් කරන්නේ නම් ඒ සෑම වර්ගයේම ලීටරයක් රුපියල් 170-190ත් අතර මුදලකට වෙළඳපොළට නිකුත් කළ හැකි බව හිටපු රාජ්‍ය ඇමැති ඩීවී චානක මහතා සඳහන් කරයි.
ජාතික ජන බලවේගයේ විපක්ෂයේ සිටියදී මැතිවරණ වේදිකාවන්හි පැවසූ ආකාරයට ඉන්ධන බදු ඉවත් කර ජනතාවට බදු නැතිව ඉන්ධන ලබාදෙන තෙක් බලා සිටින බවද ඔහු කියා සිටියේය.
ඉන්ධන බදු ඉවත් කිරීමට පාර්ලිමේන්තුව රැස් පාර්ලිමේන්තු අනුමැතියක් අවශ්‍ය නැති බවත් මුදල් අමාත්‍යවරයා ලෙස ජනාධිපතිවරයාට එක ගැසට්ටුවකින් එය සිදු කළ හැකි බවත් හෙතෙම කියා සිටී.
විදුලි ගාස්තුවද සියයට තිහකින් අඩු කරන බවට මැතිවරණ වේදිකාවේ එකල පැවසුවත් දැනට යෝජනා කර ඇත්තේ සියයට පහකින් විදුලි ගාස්තුව පහත දැමීමට බවත් ඔහු පැවසීය.
ඒ අනුව ඔවුන් සම්පූර්ණයෙන්ම ජනතාව රැවටීමකට දක්ව ඇති බවද හෙතෙම කියා සිටියේ හිරු රූපවාහිනියේ පැවැති වැඩසටහනකට එක්වෙමිනි.
