වසා දැමුණු කටුනායක ඇඟලුම් කම්හලේ සේවකයින් හා කම්කරු නියෝජ්‍ය ඇමති අතර සාකච්ඡාවක්
Saturday, 24 May 2025 - 2:56 pm
වසා දැමුණු කටුනායක NEXT ඇඟලුම් කර්මාන්ත ශාලාවේ සේවකයින්, වෘත්තිය සමිති නියෝජිතයින් හා කම්කරු නියෝජ්‍ය අමාත්‍යවරයා අතර සාකච්ඡාවක් ඊයේ (23) කම්කරු අමාත්‍යංශයේදී පැවැත්වුණා.
එහිදී මීට පෙර පැවැත්වූ සාකච්ඡාවලදී NEXT පාලනාධිකාරය විසින් ඉදිරිපත් කළ අදහස් සහ යෝජනා පිළිබඳව කම්කරු නියෝජ්‍ය අමාත්‍ය මහින්ද ජයසිංහ විසින් අදාළ කම්හලේ වෘත්තීය සමිති හමුවේ දැනුවත් කර තිබෙන බවයි සඳහන් වන්නේ.
හදිසියේ කම්හල වසා දැමීමට ගත් තීරණය සමග තමන්ට එකඟ විය නොහැකි බවත්, එම තීරණය පාලනාධිකාරය සහ සේවකයන් අතර මීට පෙර ඇති කරගෙන තිබූ ගිවිසුමට අනුව නිත්‍යානුකූල නොවන බවත් වෘත්තීය සමිති නියෝජිතයන් නියෝජ්‍ය අමාත්‍යවරයා හමුවේ අවධාරණය කර තිබෙනවා.
එමෙන්ම කෙසේ හෝ යළි තමන්ට රැකියා ලබා දීමට පියවර ගන්නා ලෙසට ඔවුන් නියෝජ්‍ය අමාත්‍යවරයාගෙන් ඉල්ලීමක්ද කර ඇති බවයි සඳහන් වන්නේ.
වසා දැමුණු කම්හල යළි විවෘත කරන ලෙස තමා පාලනාධිකාරයෙන් ඉල්ලීමක් කළ බවට එහිදී නියෝජ්‍ය අමාත්‍ය මහින්ද ජයසිංහ ප්‍රකාශ කර ඇති බවයි සඳහන් වන්නේ.
.webp)
