Local

A/L විභාග කටයුතුවලට බාධාවෙන ක්‍රියාකාරකම් නොකරන ලෙස විදුහල්පතිවරුන්ට දැනුම්දීමක්

Wednesday, 10 January 2024 - 1:33 pm

උසස් පෙළ විභාගය පැවැත්වෙන කාලසීමාව තුළ විභාග අපේක්ෂකයින්ට බාධාවන ආකාරයේ කිසිදු ක්‍රියාකාරකමක් විභාග මධ්‍යස්ථාන පිහිටුවා ඇති පාසල් තුළ සංවිධානය නොකරන ලෙස සියලුම විදුහල්පතිවරුන් වෙත දැනුම්දී තිබෙනවා.

ඒ අනුව එලෙස බාධා වන අයුරින් කටයුතු කිරීම සම්බන්ධයෙන් පැමිණිලි ලැබෙමින් පවතින බවයි විභාග කොමසාරිස්වරයා සඳහන් කළේ.

අ.පො.ස උසස් පෙළ 2023 (2024) විභාගය ඉකුත් 04 වනදා ආරම්භ වූ අතර එය එළඹෙන 31 වනදා දක්වා දිවයින පුරා විභාග මධ්‍යස්ථාන 2302කදී පැවැත් වෙනවා.