Local

නාමල්​ට ගහන ගැහිල්ලට විධායක ජනාධිපති වෙලා තමයි නවතින්නේ - තිස්ස කුට්ටිආරච්චි

Friday, 24 January 2025 - 9:25 pm

සෑම ගමකම විසිරී සිටින කණ්ඩායම් එක් කරගැනීමේ වැඩපිළිවෙළ මේ වනවිට ශ්‍රී ලංකා පොදුජන පෙරමුණ ක්‍රියාත්මක කරන බව හිටපු පාර්ලිමේන්තු මන්ත්‍රී තිස්ස කුට්ටිආරච්චි පවසනවා.

ඉන් අනතුරුව පක්ෂ නායකයින් සන්ධානගතවීම සම්බන්ධයෙන් සාකච්ඡා කරනු ඇති බවයි අද (23) මාධ්‍ය වෙත අදහස් දක්වමින් හිටපු මන්ත්‍රීවරයා සඳහන් කළේ.

මහින්ද රාජපක්ෂ ජනාධිපතිවරයාගෙන් පළිගැනීමට කටයුතු කිරීම හරහා ඔහු අවසානයේ ජනාධිපති ධූරයට පත්වූ බවත් ඔහු නතර කරපු තැනින් ඉදිරියට රට ගෙන යාමට හැක්කේ නාමල් රාජපක්ෂට බවද ඔහු සඳහන් කළා.

නාමල් රාජපක්ෂ මන්ත්‍රීවරයාගෙන් පළිගැනීමේ අවසන් ප්‍රතිඵලය ඔහු අනිවාර්යෙන්ම විධායක ජනාධිපති බවට පත්ව නතර වන බවයි හිටපු පාර්ලිමේන්තු මන්ත්‍රී තිස්ස කුට්ටිආරච්චි වැඩිදුරටත් ප්‍රකාශ කළේ.