පස් කන්දකට යට වී පුද්ගලයෙකුට බරපතළ තුවාල
Monday, 26 May 2025 - 4:31 pm
හාලිඇල අන්තුඩාවෙල ප්‍රදේශයේ දි අද (26) පෙරවරුවේ පුද්ගලයෙකු පස් කන්දකට යටවිමෙන් බරපතළ තුවාල ලබා ප්‍රතිකාර සදහා බදුල්ල ශික්ෂණ රෝහලට ඇතුළත් කර ඇතැයි වාර්තාවේ .
මෙලෙස තුවාල ලබා ඇත්තේ ක්වින්ස්ටවුන්හාලිඇල ලිපිනයේ පදිංචි 36 හැවිරිදි පුද්ගලයෙකු බව පොලිසිය පැවසිය.
අන්තුඩාවෙල පන්සල අසල නිවසක පැති බැම්මක් ඉදි කිරිමේ කටයුත්තක් සිදුකරමින් සිටියදි මෙම පුද්ගලයාගේ සිරුර මතට පස් කන්දක් කඩා වැටීමෙන් එයට යටවිමෙන් මෙම අනතුර සිදුව ඇතැයි පොලිසිය පවසයි.
සිද්ධිය සැලවිමත් සමග එම ස්ථානයේ සිටි පිරිස එම පුද්ගලයා බේරා ගැනිමට කටයුතු කරමින් සිටියදි බදුල්ල ශික්ෂණ රෝහලේ හදිසියි ප්‍රතිකාර ඒකකයේ ජ්‍යෙෂ්ඨ වෛද්‍ය නිලධාරි පාලිත රාජපක්ෂ මහතා ඇතුළු වෛද්‍ය කණ්ඩායමක් ද එම ස්ථානයට ගොස් ඇති බවද වාර්තාවේ .
මේ වනවිටත් පස් කන්දට යට වූ පුද්ගලයාට අවශ්‍ය වැඩිදුර ප්‍රතිකාර ලබාදිමට අවශ්‍ය පරික්ෂණ සිදුකරමින් පවතින බව වාර්තා වෙයි.
අදාල සිද්ධිය සම්බන්ධයෙන් හාලිඇල පොලිස් ස්ථානාධිපති පොලිස් පරික්ෂක රුවන් ගුනතිලක මහතා විසින් වැඩිදුරටත් විමර්ශන සිදුකරන බව පොලිසිය සදහන් කලේය.
.webp)
