Local

උතුම් නිකිණි පුර පසළොස්වක පොහොය දිනය අදයි

Monday, 19 August 2024 - 9:56 am

උතුම් නිකිණි පුර පසළොස්වක පොහොය දිනය අදට (19) යෙදී තිබෙනවා.

පළමු ධර්ම සංගායනාව පැවැත්වීම, භික්ෂූන් වහන්සේ පසුවස් එළඹීම, ආනන්ද හිමි රහත් භාවයට පත් වීම, පෙර වස් මගහැරි භික්ෂූන් වහන්සේ පසුවස් එළඹීම මෙන්ම බුදුන්වහන්සේගේ ලලාට ධාතු තැන්පත් කරමින් සේරුවිල දාගැබ තැනීම ආරම්භ කිරීම ඇතුළු ශාසනික වශයෙන් ඓතිහාසික සිදුවීම් ගණනාවක් සිදුව ඇත්තේ මෙවන් නිකිණි පුන් පොහෝ දිනකයි.

නිකිණි පුර පසළොස්වක පොහොය දිනය වෙනුවෙන් ඔබ වෙත ගෙන එන ස්වර්ණවාහිනී අමා දහර වැඩසටහන පැවැත්වෙන්නේ ධාතූන් වහන්සේලා වැඩ සිටින උතුම් පින්බිමක් වූ නෙල්ලිගල ජාත්‍යන්තර බෞද්ධ මධ්‍යස්ථානය කේන්ද්‍ර කර ගනිමින්.

ඒ අනුව ඔබට අද දවස පුරා ස්වර්ණවාහිනී අමා දහර පෝදා සජීවී වැඩසටහන් සමග එක්වීමට අවස්ථාව හිමි වනවා.