Local

පාස්කු ප‍්‍රහාරය : නිලන්ත ජයවර්ධන ගැන පරීක්‍ෂණයක්..

Wednesday, 13 November 2024 - 1:39 pm

රාජ්‍ය බුද්ධි සේවයේ හිටපු අධ්‍යක්ෂ නිලන්ත ජයවර්ධන මහතා සම්බන්ධයෙන් විනය පරීක්ෂණයක් පැවැත්වෙන බව ඔහුගේ නීතිඥවරයා විසින් අභියාචනාධිකරණයට දැනුම් දි තිබේ.

පාස්කු ඉරිදා ත්‍රස්ත ප්‍රහාර සම්බන්ධයෙන් විමර්ශනය කිරීමට පත්කළ ජනාධිපති කොමිෂන් වාර්තා නිර්දේශ මත නිලන්ත ජයවර්ධන මහතාට එරෙහිව නීතිය ක්‍රියාත්මක කරන්නැයි නියෝගයක් නිකුත් කරන ලෙස ඉල්ලමින් ගොනුකර ඇති පෙත්සම කැඳවූ අවස්ථාවේ දී ඔහුගේ නීතිඥවරයා මේ දැනුම් දීම සිදු කළේය.

තම සේවා දායකයා සම්බන්ධයෙන් මේ වන විටත් පාස්කු ඉරිදා ත‍්‍රස්ත ප්‍රහාරය සම්බන්ධයෙන් විනය පරීක්ෂණයක් ආරම්භ කර ඉදිරියට පැවැත්වෙමින් තිබෙන බවත් නීතිඥවරයා කියා සිටියේය.

අනුව පෙත්සම්කරුවන් ඉල්ලා තිබෙන සහනය දැනටමත් ඔවුන්ට ලැබී ඇති බවත් නිතිඥවරයා අධිකරණය තවදුරටත් දැනුම් දුන්නේය.