Local

දරුවන් පරිස්සම් කර ගන්නැයි දෙමව්පියන්ගෙන් ඉල්ලීමක්

Tuesday, 20 May 2025 - 10:33 am

ඩෙංගු සහ චිකුන් ගුන්යා වැළඳුණු දරුවන්ගේ වැඩිවීමක් පෙන්නුම් කරන බව කොළඹ රිජ්වේ ආර්යා ළමා රෝහලේ ළමා රෝග පිළිබඳ විශේෂඥ වෛද්‍ය දීපාල් පෙරේරා මහතා පවසයි.

වෛද්‍යවරයා පවසන්නේ, වර්ෂාව සමග මෙම රෝග පැතිරීම තවදුරටත් වර්ධනය විය හැකි බවයි.

ඒ අනුව හැකි සෑම අවස්ථාවකම ගෙවත්තේ සහ ආයතනවල මදුරුවන් බෝවන ස්ථාන විනාශ කිරීමට කටයුතු කරන ලෙස ජනතාවගෙන් ඉල්ලීමක් කරයි.

දින දෙකකට වඩා උණ පවතී නම් ඩෙංගු පරීක්ෂාවක් කර ගන්නා ලෙසටද වෛද්‍යවරයා ඉල්ලීම් කළේය.

හන්දිපත් වේදනාව දිගටම පවතින්නේ නම් එය චිකුන් ගුන්යා රෝග ලක්ෂණයක් විය හැකි බව දීපාල් පෙරේරා මහතා වැඩිදුරටත් පෙන්වාදෙයි.