ත්රස්ත බියෙන් සංචාරකයෝ ආපසු හැරෙති.. සංචාරක කලාප පාළු වෙති..
Thursday, 24 October 2024 - 6:38 pm
මෙරට සංචාරක කලාප රැසක අද දිනයේ විදේශීය සංචාරකයන්ගේ විශාල අඩුවීමක් දක්නට ලැබෙන බව වාර්තාකරුවන් කියා සිටිති.
ආරුගම්බේ සහ වැලිගම වැනි ඊශ්‍රායල ජාතිකයන් වැඩි වශයෙන් රැදී සිටින ප‍්‍රදේශ ඉලක්ක කරමින් ත්රස්ත ප්‍රහාරයක් එල්ල වීමේ අවධානමක් ඇති බවට ඇමරිකාව, බ්‍රිතාන්‍ය, රුසියාව ඇතුළු රටවල් රැසක් අනතුරු ඇඟවීම් නිකුත් කිරීම මත මෙම තත්ත්වය උදාවී තිබේ.
ඊශ්‍රායලයද ඊයේ දින නිවේදනය කර තිබුණේ ශ්රී ලංකාවේ සිටින සිය රට වැසියන් හැකිතාක් එක් ඒකරාශී වීමෙන් වැළකී සිටින ලෙසත් කොළඹ වැනි ආරක්ෂාව තර කර ඇති ප්‍රදේශවලට හැකි ඉක්මනින් ගමන් කරන ලෙසත්ය.
ඇතැම් සංචාරකයන් සිය ඉදිරි සංචාරක සැලසුම් අවලංගු කර රටින් පිටව යාමට උත්සාහ කරන අතර තවත් පිරිසක් නවාතැන් තුළම රැඳී සිටීමට කටයුතු කරමින් සිටී.
මේ අතර ශ්රී ලංකාවේ සංචාරය කිරීමට පැමිණ සිටි ඊශ්‍රායල ජාතිකයන් පිරිසක් දෙනෙකු කටුනායක ගුවන් තොටුපොළ හරහා පිටත්ව ගොස් ඇත.
ඒ සැළසුම් කර තිබූ ත්රස්ත ප්‍රහාරයක් පිළිබඳ ශ්රී ලංකාවේ ඇමෙරිකානු තානාපති කාර්යාලය මෙන්ම ඊශ්‍රායල රජය විසින් ද ශ්රී ලංකාව තුළ තවදුරටත් රැදී සිටීම අවදානම් බව ප්‍රකාශ කිරීමත් සමගයි.
කෙසේ වෙතත් ශ්රී ලංකා පොලිසිය සඳහන් කරන්නේ මේ වන විට රට තුළ ආරක්ෂාව තහවුරු කර ඇති බවත් සංචාරක කලාපවල ආරක්ෂක මෙහෙයුම් තවදුරටත් දැඩි කර ඇති බවත්ය.
(1).webp)
(1).webp)
