Local

වසරේ ගතවූ කාලය තුළ රිය අනතුරුවලින් 713ක් මරුට

Friday, 18 April 2025 - 9:02 pm

වසරේ මේ දක්වා කාලය තුළ සිදුවූ රිය අනතුරු හේතුවෙන් පුද්ගලයින් 713 දෙනෙකු මියගොස් ඇති බව පොලීසිය පවසනවා.

එම පුද්ගලයින් මියගොස් ඇත්තේ මාරක රිය අනතුරු 685 කින් බවත්, පසුගිය වසරට සාපේක්ෂව මේ වසරේ මාරක රිය අනතුරු 31 ක අඩුවීමක් වාර්තා වන බවයි පොලීසිය සඳහන් කළේ.

මේ අතර, උත්සව සමයේ සිදුවූ රිය අනතුරු හේතුවෙන් පුද්ගලයින් 105 දෙනෙකු මියගොස් ඇති බවද, ඔවුන් මියගොස් ඇත්තේ මාරක රිය අනතුරු 103 කින් බවද පොලීසිය සඳහන් කළා.

ඒ අනුව, පසුගිය වසරේ මෙම කාලයට සාපේක්ෂව මේ වසරේ මෙම කාලය තුළ රිය අනතුරු 23 ක අඩුවීමක් වාර්තා වී ඇති බවයි වැඩිදුරටත් සඳහන් වෙන්නේ.