වතු ජනතාවට මෙම වර්ෂය තුළ නව නිවාස 4,350 ක් ඉදි කිරීමට පියවර
Thursday, 23 January 2025 - 6:03 pm
වතු ජනතාවට නිවාස ලබා දීමේ වැඩපිළිවෙල යටතේ 2025 වර්ෂය තුල නිවාස 4,350 ක් ඉදිකරන බවත්, වතු ජනතාවගේ යටිතල පහසුකම් දියුණු කර ඔවුන් දිළිඳු බවින් මුදවා ගැනිම රජයේ අරමුණ බවත් වැවිලි සහ ප්‍රජා යටිතල පහසුකම් අමාත්‍ය සමන්ත විද්‍යාරත්න පවසනවා.
මීට පෙර වතු ජනතාව වෙනුවෙන් නිවාස ඉදිකර, ඒවා ලබාදී තිබුණේ දේශපාලන හිතවත්කම් මත බවත්, නව රජය යටතේ මෙම නව නිවාස ලැබිය යුතුම වතු ජනතාවට පමණක් ලබා දෙන බවත් අමත්‍යවරයා සඳහන් කළා.
වතු ජනතාව දිළිඳු බවින් මුදවා, නිවාස ප්‍රශ්නයට කඩිනම් විසඳුම් ලබාදීම අරමුණ බවත්, ඉන්දීය ආධාර මත ඉදිකෙරෙන නිවාස දසදහසින් නිවාස 1,300 ක් ඉදිකර අවසන් බවත්, 2025 වර්ෂය අවසන් වීමට පෙර නිවාස 4,350 ක් ද, 2026 වර්ෂය තුළ තවත් 4,350 ක් ද ඉදිකර වතු ජනතාවට එම නිවාස ලබාදෙන බවයි සාකච්ඡාවකට එක්වෙමින් අමාත්‍යවරයා වැඩිදුරටත් ප්‍රකාශ කළේ.
