Local

අපි හෙලිකොප්ටරවල යන්නෑ කියල නෑ.. අවශ්‍ය නම් යනවා..- .විජිත

Tuesday, 12 November 2024 - 2:35 pm

තම ආණ්ඩුවට හෙලිකොප්ටර් ඇලජික් නැති බවත් කිසියම් අවශ්‍යතාවයක් ඇත්තේ නම් හෙලිකොප්ටර් භාවිතා කරන බවත් ඇමැති විජිත හේරත් මහතා සඳහන් කරයි.

තමන් හෙලිකොප්ටර භාවිතා නොකරන බවක් පවසා නැතැයි ද පවසන ඔහු විපක්ෂයේ සිටියදී ගම්වතුර සුනාමි වැනි අවස්ථාවන්හි හෙලිකොප්ටරවල ගමන් කළ බවද ඔහු කියා සිටී.

නමුත් පසුගිය ආණ්ඩු වල ජනාධිපති එක යානයක, උපදේශකළා තවත් හෙලිකොප්ටරයක, ආරක්ෂක ප්‍රධානීන් තවත් යානයක ගිය බවත් හෙතෙම පෙන්වා දෙයි.

තම ආණ්ඩුවේ කිසිවකු එසේ ගුවන් යනා භාවිතා නොකරන බවත් හෙතෙම කියා සිටියි.

නෙත් ගුවන් විදුලි සේවය සමඟ සාකච්ඡාවකදී හෙතෙම මෙම අදහස් පළ කර ඇත.