මාර්ග අනතුරු වළක්වන පුළුල් වැඩපිළිවෙලක්
Thursday, 29 May 2025 - 10:29 pm
මැයි 27 සහ 28 යන දිනවල ජාතික ප්‍රවාහන වෛද්‍ය ආයතනයේ සභාපතිනිය වෛද්‍ය අරෝෂා විද්‍යාභූෂණ මහත්මිය ඇතුළු නිලධාරීන් මොණරාගල, අම්පාර, සහ මඩකලපුව දිස්ත්‍රික්කවල ප්‍රවාහන වෛද්‍ය ආයතනවල නිරීක්ෂණයක නිරත විය.
එහිදී “මාර්ග අනතුරු වළක්වමු” යන මැයෙන් මාර්ග අනතුරු වැළැක්වීමෙහි ලා රියදුරන් සතු වගකීම් සහ ඒ සදහා ජාතික ප්‍රවාහන වෛද්‍ය ආයතනය මගින් ඉටුකරනු ලබන කාර්යය භාරය පිළිබඳ දේශනයක් ජාතික ප්‍රවාහන වෛද්‍ය ආයතනයේ සභාපතිනිය වෛද්‍ය අරෝෂා විද්‍යාභූෂණ විසින් සිදු කරන ලදී. තවද, මාර්ග ආරක්ෂාව තහවුරු කිරීම සදහා ප්‍රවාහන අමාත්‍යාංශය විසින් ඉදිරියේදී ගැනීමට බලාපොරොත්තු වන ක්‍රියාමාර්ග පිළිබඳව ද මෙහිදී දැනුවත් කරන ලදී.
මේ සදහා ප්‍රදේශය භාර පොලිස් නිලධාරීන් ප්‍රාදේශිය හා දිසා ලේකම් වරුන්, රියදුරු පාසල් හිමිකරුවන් සහ රියදුරු පුහුණුකරුවන්, ශ්‍රී ලංගම , ප්‍රාදේශීය මගී සේවා නියෝජිතයන් ආදි පිරිසක් සහභාගි විය.
එසේම, මොණරාගල දිස්ත්‍රික් පාර්ලිමේන්තු මන්ත්‍රී අජිත් අගලකඩ මහතා, අම්පාර දිස්ත්‍රික් පාර්ලිමේන්තු මන්ත්‍රී මංජුල රත්නායක මහතා, සහ ග්‍රාමීය සංවර්ධනය, සමාජ ආරක්ෂණය සහ ප්‍රජා සවිබල ගැන්වීමේ අමාත්‍යංශය භාර නියොජ්‍ය අමාත්‍ය වසන්ත පියතිස්ස මහතා ඇතුළු නිලධාරීන් පිරිසක් ද මෙම අවස්ථාව සදහා සහභාගී විය.
.webp)
