Local

කොළඹ වරායේ භාණ්ඩ ගොඩගැසීම පිළිබඳව වරාය අධිකාරිය රේගුවෙන් වාර්තාවක් කැඳවයි

Thursday, 23 January 2025 - 6:02 pm

කොළඹ වරායේ නිෂ්කාශනය නොවූ භාණ්ඩ විශාල ප්‍රමාණයක් ගොඩගැසී ඇති බව වරාය හා සිවිල් ගුවන්සේවා නියෝජ්‍ය අමාත්‍ය රුවන් කොඩිතුවක්කු පවසනවා.

එම භාණ්ඩ ගොඩගැසීමට විවිධ හේතු බලපෑ ඇති බවත්, එම භාණ්ඩ වරායේ ගොඩගැසී තිබීමෙන් විශාල ඉඩ ප්‍රමාණයක් අපතේ ගොස් ඇති බවයි නියෝජ්‍ය අමාත්‍යවරයා සඳහන් කළේ.

ඇතැම් අය බදු නොගෙවීම හේතුවෙන් එම භාණ්ඩ වරායෙන් නිදහස් කර නොමැති බවත්, ඇතැම් භාණ්ඩ නිදහස් කර ගැනිමට නොහැකි වී ඇත්තේ නිෂ්කා​ශනයට අදාළ ලිපිලේඛන නොමැති වීම නිසා බවද ඔහු සඳහන් කළා.

ඒ අනුව නිදහස් කර නොගත් භාණ්ඩ සම්බන්ධයෙන් රේගු දෙපාර්තමේන්තුවෙන් වරාය අධිකාරිය වාර්තාවක් ඉල්ලා ඇතැයි නියෝජ්‍ය අමාත්‍යවරයා වැඩිදුරටත් ප්‍රකාශ කළා.