Local

මුතුරාජවෙල ලිට්‍රෝ ගෑස් පර්යන්තයේ මෑන්පවර් සේවකයින් පිරිසක් විරෝධතාවක

Wednesday, 14 May 2025 - 5:19 pm

මුතුරාජවෙල ලිට්‍රෝ ගෑස් පර්යන්තයේ සේවය කරන 250කට ආසන්න මෑන්පවර් කම්කරුවන් පිරිසක් මේ වන විට වැඩ වර්ජනයක් ආරම්භ කර තිබෙනවා.

ඒ අනුව, වසර ගණනාවක් පුරා තම වැටුප් ඉහළ නොදැමූ බවත්, රජය විසින් නියම කළ අවම වැටුප හෝ ලබා නොදුන් බවටත් සඳහන් කරමින් ඔවුන් එම වැඩ වර්ජනය ආරම්භ කර ඇති බවයි සඳහන් වෙන්නේ.

රජය විසින් නියම කළ වැටුප ලබාදෙන බවට ලිඛිත පොරොන්දුවක් ලබාදෙන තෙක් තමන් වැඩ වර්ජනයේ නිරත වන බවයි අදාළ සේවකයින් සඳහන් කරන්නේ.