Local

අලුත් අවුරුදු සමයේ බස් සේවා සම්බන්ධ පැමිණිලි 143ක් - ජාතික ගමනාගමන කොමිසම

Thursday, 17 April 2025 - 7:03 pm

අලුත් අවුරුදු සමයේ ක්‍රියාත්මක වන බස් සේවා සම්බන්ධයෙන් මේ වනවිට පැමිණිලි 143ක් ලැබී ඇති බව ජාතික ගමනාගමන කොමිසම පවසනවා.

වැඩිපුර ගාස්තු අය කිරීම, මගීන්ට ආචාරශීලී නොවීම හා වේගයෙන් රිය ධාවනය කිරිම ඇතුළු පැමිණිලි රැසක් ඒ අතර වන බවයි එම කොමිසම සඳහන් කළේ.

ලබන 21 වැනිදාට පසුු එම සියලු පැමිණිලි විභාග කිරීම ආරම්භ කරන බවද, 1955 ක්ෂණික දුරකථන අංකය අමතා තවදුරටත් පැමිණිලි යොමු කළ හැකි බවද ජාතික ගමනාගමන කොමිසම වැඩිදුරටත් ප්‍රකාශ කර සිටිනවා.