Local

ත්‍රිරෝද රථය පදවමින් සිටි පියාගේ ගෙලෙහි ආදරයට දැරිය එල්ලීම හේතුවෙන් රථය විදුලි කණුවක ගැටෙයි !

Wednesday, 26 June 2024 - 7:08 am

ත්‍රිරෝද රථය පදවමින් සිටි පියාගේ ගෙලෙහි ආදරයට දැරියක එල්ලීම හේතුවෙන් පියාට ත්‍රිරෝද රථය පාලනය කිරීමට නොහැකිව විදුලි කණුවක ගැටී සිදු වූ අනතුරකින් එම දැරිය මිය ගොස් ඇතැයි දිවුලපිටිය පොලිසිය කියයි.

අනතුරින් මියගොස් ඇත්තේ එම්.ජී. හාන්‍යා හෙසල් ප්‍රනාන්දු නමැති වයස අවුරුදු එකහමාරක දැරියකි.

ත්‍රිරෝද රථය පැදවූ පියා බරපතළ තුවාල ලබා රෝහල්ගත කර ඇති අතර මිත්තනියද සුළු තුවාල ලබා ඇතැයි පොලිසිය කියයි.

මියගිය දැරිය මිත්තනිය මව හා පියා සමඟ ත්‍රිරෝද රථයෙන් මීගමුවට ගොස් තිබූ අතර මව රැකියාවට යාම සඳහා මීගමුවෙන් බැස ඇතැයි පොලිසිය සඳහන් කළේය.

මියගිය දැරිය මිත්තණිය සමඟ ත්‍රිරෝද රථයේ පිටුපස අසුන්ගෙන නිවස කරා පැමිණ ඇති අතර පියා ත්‍රිරෝද රථය පදවාගෙන පැමිණෙමින් සිටියදී එකවරම පිටුපස සිට පියාගේ ගෙල බදාගෙන ඇති අතර එම අවස්ථාවේදී පියාට රථය පාලනය කර ගත නොහැකි වී මාර්ගයෙන් ඉවතට ඇදී ගොස් විදුලි කණුවක ගැටීමත් සමඟම දැරිය විසි වී ඇති බව පොලිසිය සිදු කළ විමර්ශනවලදී අනාවරණය වී ඇත.

අනතුරින් තුවාල ලැබූ දෙදෙනාම මීගමුව රෝහල වෙත ඇතුළත් කිරීමෙන් අනතුරුව දැරිය මියගොස් ඇති අතර පියා වැඩිදුර ප්‍රතිකාර සඳහා කොළඹ ජාතික රෝහල වෙත ඇතුළත් කර ඇත.

දිවුලපිටිය පොලිසියේ ස්ථානාධිපති ප්‍රධාන පොලිස් පරීක්ෂක චන්ද්‍රසිරි හිරියාදෙනිය මහතාගේ උපදෙස් මත රථ වාහන අංශයේ ස්ථානාධිපති පොලිස් පරීක්ෂක අධිකාරි මහතා ඇතුළු නිලධාරීන් පරීක්ෂණ පවත්වයි.

බණ්ඩාරගම – බිමල් ජයසිංහ

 
 
 
 


Top Stories
wedivistara

උත්සව සමයේ භාණ්ඩ මිලදී ගැනීමේදී සැලකිලිමත් ‍වන්න - PHI සංගමය

wedivistara

ඔවුන් කුමන කුමන්ත්‍රණ කළත් දූෂිතයන්ට දඩුවම් දීමේ ක්‍රියාවලිය නවත්වන්නේ නෑ - ජනපති

wedivistara

දේශබන්දු තෙන්නකෝන්ට සැඟවී සිටීමට සහාය වූ දෙදෙනෙක් අත්අඩංගුවට

wedivistara

ලක්ෂ 16 ක් කොල්ල කෑ වැලිකඩ පොලිසියේ දෙදෙනෙක් ඇතුළු සැකකරුවන් සිව්දෙනෙක් රිමාන්ඩ්

wedivistara

මරදානේ චොප්පෙගේ පුත්‍රයා අත්අඩංගුවට

wedivistara

තැපැල් ඡන්ද පත්‍රිකා මුද්‍රණ කටයුතු අවසන් අදියරට පැමිණෙයි

Trending
wedivistara

චාමර සම්පත් අල්ලස් ​කොමිසම විසින් අත්අඩංගුවට ගනී

wedivistara

Starlink බ්‍රෝඩ්බෑන්ඩ් සේවා අප්‍රේල් මාසයේ සිට ශ්‍රී ලංකාව තුළ ක්‍රියාත්මකයි - නලින්ද ජයතිස්ස

wedivistara

දකුණු කොරියාවේ සිටින ශ්‍රී ලාංකිකයින්ට දැනුම්දීමක්

wedivistara

රාත්‍රි සමාජ ශාලාවේ ගැටුමට සම්බන්ධ හතරදෙනා රිමාන්ඩ් කිරීමට නියෝග

wedivistara

බැංකු දෙකක් සඳහා මහ බැංකුවෙන් දණ්ඩන පනවයි

wedivistara

හිටපු හමුදාපතිවරුන්ට පැනවූ සම්බාධක ගැන රජයේ ස්ථාවරය නිවේදනය කෙරේ


NEWS ALERT