Sports

බංග්ලාදේශ ක්‍රිකට් කණ්ඩායම පාකිස්තානයට?

Thursday, 08 August 2024 - 12:45 pm

බංග්ලාදේශ ක්‍රිකට් කණ්ඩායම ඉදිරියේදී සිදුකිරීමට නියමිතව තිබෙන පාකිස්තානු ටෙස්ට් තරග සංචාරය සඳහා ඔවුන් සැලසුම් කළ දිනට පෙර එරටින් පිටව යාමට තීරණය කර තිබෙන බව විදෙස් මාධ්‍ය වාර්තා කර සිටී.

බංග්ලාදේශය තුළ උද්ගතව තිබෙන නොසන්සුන්තාවය පිළිබද එරට ක්‍රිකට් ආයතනය විසින් සත්කාරක පාකිස්තානය දැනුම්වත් කර ඇති අතර, ඊට යහපත් ප්‍රතිචාරයක් ලැබී ඇති බව සඳහන්.

තරග 02කින් යුත් ටෙස්ට් ක්‍රිකට් තරගාවලියේ පළමු තරගය මේ මස 21වනදා රාවල්පිණ්ඩිහිදී පැවැත්වීමට නියමිතව ඇත.

ඒ අනුව පාකිස්තානු ක්‍රිකට් ආයතනය විසින් කල්වෙලා ඇතිව පැමිණෙන බංග්ලාදේශ ක්‍රිකට් කණ්ඩායම හා ඔවුන්ගේ පුහුණුකාර මණ්ඩලයට අවශ්‍ය සියලුම පුහුණු පහසුකම් සැපයීමට සිය එකඟතාව පළකර ඇත.

කෙසේ නමුත් බංග්ලාදේශ කණ්ඩායමේ පැමිණීම තීරණය වන්නේ එරට අභිනවයෙන් පත්වීමට නියමිත අන්තර්වාර රජයේ ප්‍රතිචාරය මත බවද සඳහන් ය.