Local

දුර ගමන් සේවා බස් රථ සඳහා ඉංජිනේරු වාර්තාවක් ලබා ගැනීම අනිවාර්ය කිරීමට පියවර

Thursday, 22 May 2025 - 8:38 am

දුර ගමන් සේවා බස් රථ සඳහා ඉංජිනේරු වාර්තාවක් ලබා ගැනීම අනිවාර්ය කිරීම කෙරෙහි අවධානය යොමු වී ඇති බව අමාත්‍ය බිමල් රත්නායක පවසනවා.

ඒ අනුව දුර ගමන් සේවා බස් රථ වලින් සිදුවන අනතුරු වළක්වා ගැනීම සඳහා වන එක් පියවරක් ලෙස මෙම තීරණයට එළඹී ඇති අතර, කිලෝමීටර් 100ට වැඩි ගමන් වාරයක් හිමි සියලු බස් රථ එම වාර්තාව ලබාගත යුතු බවයි ඔහු සඳහන් කළේ.

ලබන අගෝස්තු 01 වැනිදා සිට එම ඉංජිනේරු වාර්තාව ලබා ගැනීම අනිවාර්යය බවයි අමාත්‍ය බිමල් රත්නායක වැඩිදුරටත් සඳහන් කර සිටියේ.