Local

ආන්දෝලනයට තුඩුදුන් මල්වානේ නිවස හා ඉඩම රජයේ ව්‍යාපෘතියකට යෙදවීමට පියවර

Thursday, 22 February 2024 - 1:10 pm

මල්වානේ පිහිටා ඇති හිමිකරුවෙක් නැති බවට පැවසුණු නිවස සහ එම ඉඩම සංවර්ධන ව්‍යාපෘතියක් සඳහා යෙදවීමට කඩිනම් පියවර ගන්නා බව අධිකරණ අමාත්‍ය විජයදාස රාජපක්ෂ පවසනවා.

2015 වසරේදී මේ දේපළ සම්බන්ධයෙන් අධිකරණයේ නඩු පැවරූ අවස්ථාවේදී ඉඩමට සම්බන්ධ ඔප්පුවල නම් සඳහන්ව තිබුණු සෑම කෙනෙක්ම ඉඩම ඔවුන්ට අයිති නැති බව පවසා තිබූ බවත්, එසේ ප්‍රකාශ කිරීම නිසා අමාත්‍ය මණ්ඩලයට පත්‍රිකාවක් ඉදිරිපත් කරමින් මෙම ඉඩම රජයට පවරා ගනු ලැබූ බවත් අමාත්‍යවරයා පෙන්වා දුන්නා.

මේ සඳහා අදාළ නඩුවේ නඩු කටයුතු අවසන් වී ඇති බැවින්, නිවස හා අක්කර 15ක පමණ ඉඩම රජයේ දේපලක් ලෙස අධිකරණ අමාත්‍යාංශය යටතට පවරා ගෙන ඇති බවත්, ඉදිරියේදී මෙම ගොඩනැගිලි ප්‍රයෝජනයට ගත හැකි පරිදි යථා තත්වයට පත් කර ව්‍යාපෘතියකට යොදවන බවත් ඔහු වැඩිදුරටත් පවසා සිටියා.