පිරිසිදු කිරීමේ සේවිකාවක් කළ හොර වැඩේ ගුවන් තොටුපලේ දී මාට්ටු
Saturday, 10 February 2024 - 7:53 pm
රුපියල් මිලියන 58ක වටිනාකමින් යුත් රත්‍රං කිලෝ 02යි ග්‍රෑම් 750ක් කටුනායක ගුවන් තොටුපොළෙන් පිට කි‍රීමට උත්සාහ කළ කාන්තාවක් අද (10) අත්අඩංගුවට ගෙන තිබේ.
ගුවන් තොටුපොළ පිරිසිදු කටයුතුවල නියුතු පෞද්ගලික පිරිසිදු කිරීමේ ආයතනයක සේවය කරන වයස අවුරුදු 55ක කාන්තාවක් මෙසේ අද(10) උදෑසන ගුවන් තොටුපොළ මත්ද්‍රව්‍ය පාලන අංශය මඟින් අත්අඩංගුවට ගෙන ඇත.
කටුනායක ගුවන් තොටුපොළේ තීරු බදු රහිත සාප්පු සංකීර්ණයේ වැසිකිළියක් තුළ දී මෙම ස්වර්ණාභරණ සහ ජෙල් තොගය අඩංගු පාර්සලය වෙනත් කාන්තාවක විසින් සැකකාර කාන්තාවට ලබා දී ඇතැයි සදහන් වේ.
එය ගුවන් තොටුපොළෙන් පිටත සිටින පුද්ගලයෙකු වෙත ලබා දුන් පසු ඇයට රුපියල් හැට දහසක මුදලක් ලබා දෙන පොරොන්දුව මත තමන් මෙම පාර්සලය රැගෙන ගිය බව අත්අඩංගුවට ගත් කාන්තාව රේගුව හමුවේ ප්‍රකාශ කර තිබේ.
අත්අඩංගුවට ගෙන ඇති සැකකාර කාන්තාව 55 හැවිරිදි වියේ පසු වන වේයන්ගොඩ – මිරිදියලන්ද ප්‍රදේශයේ පදිංචි තැනැත්තියකි.
ගුවන් තොටුපොළ රේගු නිලධාරීන් විසින් මෙම සේවිකාව අත්අඩංගුවේ තබා ගෙන වැඩිදුර විමර්ශන කටයුතු ආරම්භ කර තිබේ.
අත්අඩංගුවට ගත් රත්‍රං තොගයට කිලෝග්‍රෑම් 1.4 ක් බරැති රන් ආභරණ සහ 95% ක් පමණ පිරිසිදු රත්‍රන් අඩංගු ජෙල් ආකාරයෙන් සකස් කළ රත්‍රන් කිලෝග්‍රෑම් 1.35 ක් වන බව ශ්‍රී ලංකා රේගුවේ මත්ද්‍රව්‍ය නාශක පාලන ඒකකයේ ප්‍රකාශකයෙක් පැවසීය.
.webp)
.webp)
