Local

මැතිවරණයේ ෆේස්බුක් ප‍්‍රචාරය හුලං බහී.. රැල්ල බිමටම පාත්වෙයි..

Thursday, 10 October 2024 - 9:24 pm

ජනාධිපති මැතිවරණ පූර්ව ප්‍රචාරක සමයේ විශාල වශයෙන් සිදුවූ සමාජ ජාලා ප්‍රචාරයන් මෙවර මහමැතිවරණයේදී ඉතා දුර්වල ස්වභාවයක් ගෙන තිබේ.

ජනාධිපති මැතිවරණයේ ප්‍රධාන අපේක්ෂකයන් තිදෙනාටම ඉතා ඉහළ මට්ටමේ සමාජ ජාලා ප්‍රචාරයන් පැවති නමුත් මෙවර මහ මැතිවරණයේදී කිසිදු දේශපාලන පක්ෂයකට හෝ පුද්ගලයෙකුට සමාජ ජාලාවන්හි සැලකිය යුතු ප්‍රචාරණ අනුග‍්‍රහයන් දක්නට නොලැබෙයි.

එමෙන්ම මුදල් ගෙවා සිදු කරන ප්‍රචාරක කටයුතුද සමාජ ජාලාවල මෙතෙක් දක්නට නොලැබෙයි.

ජනාධිපතිවරණයෙන් පරාජිත පාර්ශවයන්ට මෙන්ම ජයග්‍රහණය කරන ලද පාර්ශවයටද මෙම මහ මැතිවරණයේ සමාජ ජාලා ප්‍රචාරණයේ හා සමාජ ජාල පරිශීලකයන්ගේ සහාය ඉතා විශාල අඩුවක් ඇති බව කැපී පෙනෙයි.