ශ්‍රී ලංකාව සහ බෙනින් රාජ්‍යය අතර අවබෝධතා ගිවිසුමක්
Saturday, 20 January 2024 - 9:43 pm
රාජ්‍ය තාන්ත්‍රික, නිල සහ සේවා ගමන් බලපත්‍ර හිමියන් සඳහා වීසා ලබා ගැනීමෙන් නිදහස් කිරීම පිළිබඳව ශ්‍රී ලංකාව සහ බෙනින් රාජ්‍යය අතර අවබෝධතා ගිවිසුමකට අත්සන් තබා තිබෙනවා.
අදාළ ගිවිසුම මගින් දෙරටේ රාජ්‍ය තාන්ත්‍රික, නිල සහ සේවා ගමන් බලපත්‍ර හිමියන්ට පූර්ව වීසා බලපත්‍රයක් ලබා ගැනීමකින් තොරව දින 30ක් දක්වා එක් රටකට ඇතුළු වීමට සහ එහි රැඳී සිටීමට පහසුකම් සැපයීම සිදුවන බවයි ජනාධිපති මාධ්‍ය අංශය සඳහන් කළේ.
ශ්‍රී ලංකාව වෙනුවෙන් විදේශ කටයුතු අමාත්‍ය අලි සබ්‍රි මහතා ද බෙනින් රාජ්‍යය වෙනුවෙන් එරට විදේශ කටයුතු අමාත්‍ය Olushegun Adjadi Bakar මහතා මෙම ගිවිසුමට අත්සන් තබා තිබෙනවා.
ශ්‍රී ලංකා – බෙනින් ද්විපාර්ශ්වික සබඳතා නව මානයකට ගෙන එමින් දෙරට අතර ඇති කරගත හැකි නව ආර්ථික අවස්ථා පිළිබඳ සොයා බැලීමට නුදුරේදීම ශ්‍රී ලංකාවේ සංචාරයක නිරතවන ලෙස ද ජනාධිපති රනිල් වික්‍රමසිංහ මහතා මෙහිදී බෙනින් රාජ්‍යයේ විදේශ අමාත්‍යවරයා වෙත ආරාධනා කර ඇති බව සඳහන්.
.webp)
(1).webp)
(1).webp)
