Local

රනිල් පැරැද්දුවොත් රට ගොඩගන්න කෙනෙත් හොයා තියාගන්න…

Sunday, 01 September 2024 - 12:28 pm

ඉදිරි ජනාධිපතිවරණයෙන් රනිල් වික්‍රමසිංහ මහතා පරාජය කරවීමට කිසිවකු සිතන්නේ නම් රට ගොඩ ගැනීමටද කෙනෙකු හොයා තියාගන්න යයි නාගරික සංවර්ධන නිවා ආමාත්‍ය ප්‍රසන්න රණතුංග මහතා සඳහන් කරයි.

සති අන්ත පුවත්පතක් සමග සාකච්ඡාවකදී ඔහු මෙම අදහස් පළ කර තිබේ.

‘බහුතරයක් ජනතාව නිහඬව රනිල් වික්‍රමසිංහ මහතා ජයග්‍රහණය කරවීම සඳහා පෙළ ගැසී සිටිනා බව මට හොඳටම විශ්වාසයි.

රටත්, ඔබත්, දිනනවා දකින්න ඔබ කැමැති නම් සියලු දෙනාම එතුමාට ඡන්දය දීලා එතුමා දිනවන්න.

ඔබ රනිල් පරදවන්න හිතෙන හැම වාරයක් පාසාම පරදින්නේ රනිල් වික්‍රමසිංහ නොව අපි හැම දෙනාමත්, රටත් බව මතක තියාගන්න.

ඒ වගේම රනිල් පරදවන්න ඡන්දය පාවිච්චි කරන සෑම වාරයක් පාසාම හෙට දවසේ රටත් ඔබත් අගාධයට වැටුණු විට ඉන් මුදවා ගැනීමට අමතක නොකර වෙන කෙනෙකු කල් ඇතුව හොයලා තියාගන්න.

මොකද අද මේ ජනාධිපතිවරණයට ඉදිරිපත් වෙලා ඉන්න කිසි කෙනෙක් ඔබත්, රටත් විපතට වැටුණු වෙලාවේ ඔබේ පිළිසරණට ආපු අය නොවන නිසා.’