Local

චක්‍රලේඛනවලට පිටින් පාසල්වලට ළමුන් ඇතුළත් කරන නිලධාරීන්ට එරෙහිව දැඩි පියවර ගන්නවා - අධ්‍යාපන අමාත්‍යාංශය

Wednesday, 04 June 2025 - 9:55 pm

චක්‍රලේඛනවලට පිටින් පාසල්වලට ළමුන් ඇතුළත් කර ගන්නා සියලු නිලධාරීන්ට එරෙහිව දැඩි පියවර ගන්නා බව අධ්‍යාපන උසස් අධ්‍යාපන හා වෘත්තිය අධ්‍යාපන අමාත්‍යාංශය පවසනවා.

ඒ අනුව, මේ වනවිට පාසල්වලට ළමුන් ඇතුළත් කිරීම සඳහා වූ දේශපාලන මැදිහත්වීම සම්පූර්ණයෙන් නතර කර ඇති බවයි නියෝජ්‍ය අමාත්‍ය මධුර සෙනෙවිරත්න ප්‍රකාශ කළේ.

එවැනි තත්ත්වයක් තිබියදී, පාසල්වලට ළමුන් ඇතුළත් කිරිමේදී ඇතැම් තැන්වල අක්‍රමිකතා සිදුවන බවට පැමිණිලි ලැබි ඇති බවත්, එවැනි අක්‍රමිකතා ඇත්නම් අධ්‍යාපන අමාත්‍යාංශයේ විමර්ශන ඒකකයට පැමිණිලි කරන ලෙසත් නියෝජ්‍ය අමාත්‍ය මධුර සෙනෙවිරත්න වැඩිදුරටත් ප්‍රකාශ කර සිටියා.