Local

මැතිවරණ ගැසට්ටුව තීරණාත්මක තැනකට.. 14 දිනය යෙදීම ගැන ම.කො.ගෙන් වාර්තාවක් කැදවයි..

Wednesday, 30 October 2024 - 11:44 am

පාර්ලිමේන්තු මැතිවරණය නොවැම්බර් මස 14 වැනිදා පැවැත්වීමට දින නියම කර ආකාරය ඇතුලු එම මැතිවරණයට අදාළව මෙතෙක් කර ඇති සියලු කටයුතු වලට අදාළව පූර්ණ වාර්තාවක් මැතිවරණ කොමිසම විසින් නීතිපතිවරයාට භාරදී ඇත.

ඒ නීතිපති දෙපාර්තමේන්තු විසින් අදාළ තොරතුරු ලබා ලබාදෙන ලෙස මැතිවරණ කොමිෂන් සභාවට පසුගියදා කල දැනුම්දීම අනුවයි.

නීතිපතිවරයා විසින් මෙම වාර්තාව පදනම් කරගෙන එළඹන 04 වෙනිදා ශ්‍රේෂ්ඨාධිකරණය හමුවේ කරුණු දැක්වීමටද නියමිතව ඇත.

නොවැම්බර් 14 වැනිදා පාර්ලිමේන්තු මැතිවරණය පැවැත්වීමට ගෙන ඇති තීරණය ව්‍යවස්ථා විරෝධී බවට තීන්දුවක් ලබාදෙන ලෙස ඉල්ලමින් මේ වන විට ශ්‍රේෂ්ඨාධිකරණය හමුවේ මූලික අයිතිවාසිකම් පෙත්සමක් ගොනු කර තිබේ.

මහ මැතිවරණය සම්බන්ධයෙන් ජනාධිපතිවරයා විසින් ප්‍රකාශයට පත් කර ඇති ගැසට් නිවේදනය සම්පූර්ණයෙන්ම නීතියට පටහැනි බවට පෙත්සම්කරු කියා සිටී.