Local

පොදු ප්‍රවාහන සේවාවට බාධා කරන පුද්ගලයින්ට දැඩිව නීතිය ක්‍රියාත්මක කරනවා - ප්‍රවහන නියෝජ්‍ය ඇමති

Thursday, 27 March 2025 - 2:40 pm

පොදු ප්‍රවාහන සේවාවට බාධා පමුණුවන පුද්ගලයින්ට දැඩිව නීතිය ක්‍රියාත්මක කිරීමට ප්‍රවහන, මහාමාර්ග, වරාය සහ සිවිල් ගුවන් සේවා අමාත්‍යංශය තීරණය කර තිබෙනවා.

ඉදිරියේදී අත්‍යවශ්‍ය සේවා බිඳ වට්ටන සහ එම සේවා කඩාකප්පල් කිරීමට කිසිදු පුද්ගලයකුට ඉඩ නොතබන බවයි එහි නියෝජ්‍ය අමාත්‍ය ප්‍රසන්න ගුණසේන සඳහන් කළේ.

පසුගිය 24 වැනිදා ගාල්ල - මාතර බස් රියදුරෙකුට පහරදීමේ සිදුවීමත් සමග අමාත්‍යවරයා මේ බව සඳහන් කළ අතර එම පහරදීම සිදු කළ හා එයට අනුබල දුන් ලොරි රථ රියදුරාට සහ ත්‍රිරෝද රථ රියදුරාට නීතිය දැඩිව ක්‍රියත්මක කරන බව ද නියෝජ්‍ය අමාත්‍යවරයා වැඩිදුරටත් සඳහන් කර සිටියා.