මං අගමැති වෙලා ජනපති අනුර එක්ක IMF ගිවිසුම වෙනස් කරනවා..
Wednesday, 23 October 2024 - 7:43 pm
මහ මැතිවරණයේදී සමගි ජන සන්ධානයට බහුතර ආසන සංඛ්‍යාවක් ලැබෙන්නේ නම් වත්මන් ජනාධිපති අනුර කුමාර දිසානායක මහතා සමග එක්ව ජාත්‍යන්තර මූල්‍ය අරමුදල සමග සාකච්ඡා කර, එම ගිවිසුම වෙනස් කිරීමට කටයුතු කරන බව විපක්ෂනායක සජිත් ප්‍රේමදාස මහතා පැවසීය.
කොළඹ පැවති ජනහමුවකට එක්වෙමින් ඒ මහතා මේ බව සඳහන් කළේය.
එහිදී වැඩිදුරටත් විපක්ෂනායක සජිත් ප්‍රේමදාස මහතා මෙලෙස අදහස් දක්වා සිටියේය.
”නුපන් දරුවාගේ ඉඳලා, ගර්භිණීය අම්මගේ ඉඳලා, ළදරු පරපුරේ සිට වැඩිහිටි, තරුණ ජන සමාජයේ සියලුම දෙනා ලොකුම ලොකු හානියක් සිදු කරන බදු සූත්‍රයක් අද මේ රටේ ක්‍රියාත්මක වෙනවා. ඒකට වගකියන්න ඕනි හිටපු ජනාධිපතිවරයා ප්‍රමුඛ ආණ්ඩුව. ඒ අයට හැකියාව තිබුණා ජනතාවගේ පැත්තෙන් හිතලා ජනතාවගේ කර මත අසීමිත බරක් පටවන්නේ නැති ජනතාවාදී වැඩපිළිවෙළකට ප්‍රවේශ වෙන්න. එහෙම කළේ නෑ. සීමාවෙනුත් එහා ගිහින් වැඩිපුර බදු බර පටවලා, රජයට ලැබෙන ආදායම වැඩි කර ගන්නට එවකට රජය කටයුතු කළා.
දැන් අපි වර්තමාන ජනාධිපතිතුමාට උදව් කරනපි පාර්ලිමේන්තුවේ බහුතර මන්ත්‍රීවරු ප්‍රමාණයක් අපි ලබා ගන්න කොට අයි.එම්.එෆ් චකත් සමග සාකච්ඡා කරලා මේ ගිවිසුම වෙනස් කර ගන්න ඒ මොකද අපිට බලපෑම් කරන්න පුළුවන් අයි.එම්.එෆ්. අපි මේ වෙනස ඇති කරන්න කියන්නේ ජනතාව වරමත් එක්ක. ජනතාවගේ අනුමැතියත් එක්ක.
ජනතාවගේ ආශීර්වාදයත් එක්ක. ඒ නිසා හිතවත් ඔබ සියලු දෙනාටම කියන්න කැමතියි. මේ පීඩනකාර් ජීවිතය ඔබටත් රටේ ජනතාවටත් උහුලන්න බෑ.”
