සත්ත්ව සංගණනයෙන් බලාපොරොත්තු වෙන්නේ වගාවට හානි කරන ගෘහස්ථ සතුන් හඳුනා ගැනීමයි - වනජීවී සංරක්ෂණ දෙපාර්තමේන්තුව
Wednesday, 05 March 2025 - 6:57 pm
සත්ත්ව සංගණනය හරහා සිදු කිරීමට බලාපොරොත්තු වන්නේ වගාවට හානි කරන ගෘහස්ථ සතුන් හඳුනා ගැනීම බව වනජීවී සංරක්ෂණ දෙපාර්තමේන්තුව පවසනවා.
ඒ අනුව සංගණනයට ලක් කරන රිලවා, වඳුරා, මොනරා සහ දඬුලේනා යන සත්ත්ව කාණ්ඩ රට තුළ කොපමණ සිටිනවාද යන්න එහිදී සංගණනය නොකරන බවයි එහි අධ්‍යක්ෂ (වනජීවී සෞඛ්‍ය) වෛද්‍ය තාරක ප්‍රසාද් රූපවාහිනී වැඩසටහනකට එක්වෙමින් ප්‍රකාශ කළේ.
මාර්තු 15 සංගණනයට පෙර පත්‍රිකාවක් ලබාදෙන බවත්, අදාළ පත්‍රිකාව තුළ එදින උදෑසන 8.00 - 8.05 අතර තම ගෙවත්තට හෝ වගා භූමියට පැමිණෙන අදාළ සත්ත්ව කාණ්ඩ 4 න් සතුන් කොපමණ ප්‍රමාණයක් සිටියේද යන්න එහි සටහන් කළ හැකි බවයි හෙක්ටර් කොබ්බෑකඩුව ගොවි කටයුතු පර්යේෂණ හා පුහුණු ආයතනයේ අධ්‍යක්ෂ මහාචාර්ය ලසන්ත සන්දික සඳහන් කළේ.
එම පත්‍රිකා 15 වැනිදා පිරවීමෙන් අනතුරුව, ග්‍රාම නිලධාරීවරයා විසින් යළි එම පත්‍රිකා එකතු කර ගැනීමට කටයුතු කරන බවයි ඔහු වැඩිදුරටත් ප්‍රකාශ කර සිටියේ.
