Local

පෞද්ගලික වාහන ගෙන්වීමේ බලාපොරොත්තු 2025 වසරට ඇදෙයි

Tuesday, 30 July 2024 - 9:46 am

පෞද්ගලික රථ වාහන ආනයනය පිළිබඳ සලකා බැලිය හැක්කේ 2025 වසරේ මුල් කාර්තුවේ දී බව මුදල් රාජ්‍ය අමාත්‍ය ශෙහාන් සේමසිංහ මහතා පැවසීය.

ඔක්තෝබර් මාසය වන විට පොදු ප්‍රවාහනයට සහ වාණිජ කටයුතු සඳහා වන රථ වාහන ආරම්භ කිරීමට හැකි වනු ඇති බව ද රාජ්‍ය ඇමැතිවරයා පවසයි. රථ වාහන ආනයනය සඳහා පනවා ඇති තහනම ලිහිල් කිරීමට අදාළ වාර්තාව අගෝස්තු මාසයේ දී එළිදැක්වීමට මූදල් අමාත්‍යාංශය කටයුතු කරන අතර එමගින් ඉදිරි මාර්ග සැලසුම අනාවරණය වනු ඇති බව හෙතෙම පෙන්වා දෙයි.

ජාත්‍යන්තර මූල්‍ය අරමුදලේ උපදෙස් අනුව ගෙවුම් ශේෂ පරතරය සහ විදේශ සංචිත වෙත බලපෑමක් ඇති නොවන පරිදි අදාළ ආනයන කටයුතු යළි ආරම්භ කිරීමට සූදානම් බව රාජ්‍ය අමාත්‍යවරයා වැඩිදුරටත් සඳහන් කළේය.

ශ්‍යාම් නුවන් ගනේවත්ත