Local

PickMe හා Uber රියැදුරන්ට සාමාන්‍ය ත්‍රිරෝද ර​ථ රියැදුරන්ගෙන් සිදුවන හිරිහැර ගැ​න පොලිස් කොමිසමට පැමිණිල්ලක්

Friday, 28 February 2025 - 9:42 pm

සංචාරක ප්‍රදේශවල PickMe සහ Uber වැනි ත්‍රිරෝද රථ කුලී රථ සේවාවල රියැදුරන්ට සිදුවන හිරිහැර සම්බන්ධයෙන් ජාතික පොලිස් කොමිසමට පැමිණිල්ලක් ඉදිරිපත් කර තිබෙනවා.

ඒ අනුව එවැනි සිදුවීම් සම්බන්ධයෙන් නිසි පියවර ගැනීමට පොලිස් නිලධාරීන් අපොහොසත් වී ඇති බවයි එම පැමිණිල්ල මඟින් පෙන්වා දී තිබෙන්නේ.

PickMe සහ Uber වැනි ත්‍රිරෝ​ද කුලී රථ සේවාවල රියැදුරන්ට දකුණ සහ නුවර ප්‍රදේශ​යේ සිටින ත්‍රීරෝද රථ රියදුරන්ගෙන් තර්ජන එල්ලවන බවට පැමිණිලි ලැබී ඇති බවයි වාර්තා වෙන්නේ.

​මේ සම්බන්ධයෙන් විමර්ශන කිරීමට ජාතික පොලිස් කොමිසම සංචාරක පොලිස් ඒකකයේ නියෝජ්‍ය පොලිස්පතිවරයා කැඳවා ඇති බවයි වැඩිදුරටත් සඳහන් වෙන්නේ.