Local

ත්‍රීරෝද රථවල නීත්‍යානුකූල අමතර උපාංග ඉවත්කිරීමක් සිදුකරන්නේ නැහැ - පොලීසිය

Thursday, 16 January 2025 - 9:26 pm

නීතියට අනුකූලව ත්‍රීරෝද රථවල සවිකර ඇති අමතර උපාංග ඉවත් නොකිරීමට පොලීසිය තීරණය කර තිබෙනවා.

ඒ අනුව 2021 වර්ෂයේ නිකුත්කරන ලද අංක 22/40/37 දරන ගැසට් පත්‍රය මගින් ත්‍රීරෝද රථවල අමතර උපාංග සවිකළ හැකි නෛතික රාමුව හා සීමාවන් පිළිබඳව සහ එයට අනුකූලව ත්‍රීරෝද රථවල නීත්‍යානුකූලව සවිකර ඇති කොටස් ඉවත් නොකිරීමට තීරණය කර ඇති බවයි සඳහන් වෙන්නේ.

සමස්ත ලංකා ත්‍රීරෝද රථ උපාංග කොටස් නිෂ්පාදකයන් හා අලෙවිකරුවන්ගේ සංගමයේ සාමාජිකයන් සහ පොලිස්පති අතර පැවති සාකච්ඡාවකදී මෙම තීරණය ගෙන ඇති බවයි සඳහන් වෙන්නේ.

ත්‍රීරෝද රථ උපාංග කොටස් නිෂ්පාදකයන්ගේ සහ අලෙවිකරුවන්ගේ රැකියා අහිමි කිරීමට ශ්‍රී ලංකා පොලීසිය කිසිවිටකත් කටයුතු නොකරන බවයි පොලීසිය වැඩිදුරටත් සඳහන් කරන්නේ.