Local

නාමයෝජනා ප්‍රතික්ෂේප කිරීමට එරෙහි පෙත්සම් සලකා බැලීමට දින නියම කෙරේ

Friday, 28 March 2025 - 10:06 pm

පළාත් පාලන ඡන්ද විමසීම සඳහා ඉදිරිපත් කළ නාමයෝජනා ප්‍රතික්ෂේප කිරීමට එරෙහිව ගොනු කෙරුණු පෙත්සම් 16ක් සලකා බැලීමට දින නියම කර තිබෙනවා.

ඒ අනුව අප්‍රේල් මස 01 වැනිදා එම පෙත්සම් කැඳවන ලෙසට ශ්‍රේෂ්ඨාධිකරණය නියෝග කර ඇති බවයි සඳහන් වෙන්නේ.

මෙම පෙත්සම් අද (28) එස්. තුරෙයිරාජා, මහින්ද සමයවර්ධන සහ සම්පත් අබේකෝන් යන ත්‍රිපුද්ගල ශ්‍රේෂ්ඨාධිකරණ විනිසුරු මඩුල්ල ඉදිරියේ කැඳවනු ලැබූ අවස්ථාවේදී නීතිපතිවරයා විසින් අධිකරණය හමුවේ දැනුම් දී ඇත්තේ, මෙම ප්‍රතික්ෂේප කෙරුණු නාමයෝජනා පිළිබඳව මැතිවරණ කොමිසම කරුණු අධ්‍යයනය කරමින් සිටින බවත්, එහි තීරණය දැනුම්දීම සඳහා දිනයක් ලබාදෙන ලෙසයි.

පෙත්සම ලබන 01 වැනිදා යළි කැඳවීමට නියම කළ විනිසුරු මඬුල්ල, එදින මෙම ඉල්ලීම පිළිබඳ කරුණු සලකා බලන බවයි වැඩිදුරටත් සඳහන් කර තිබෙන්නේ.