Local

ශ්‍රී ලංකාවේ දළ විදේශ නිල සංචිතය ඩොලර් බිලියන 4.4 දක්වා වර්ධනීය ලෙස ඉහළ ගිහින්

Wednesday, 24 January 2024 - 8:08 am

මහ බැංකුවේ අධිපති ආචාර්ය නන්දලාල් වීරසිංහ

 

ශ්‍රී ලංකාවේ දළ විදේශ නිල සංචිතය එක්සත් ජනපද ඩොලර් බිලියන 4.4 දක්වා වර්ධනීය ලෙස ඉහළ ගොස් ඇතැයි ශ්‍රී ලංකා මහ බැංකුවේ අධිපති ආචාර්ය නන්දලාල් වීරසිංහ මහතා ප්‍රකාශ කළේය.

මෙලෙස නිල සංචිත ඉහළ යාමට ආසියානු සංවර්ධන බැංකුවේ, ලෝක බැංකුවේ, ජාත්‍යන්තර මූල්‍ය අරමුදලේ, චීන එක්සිම් බැංකුවේ ණය පහසුකම් මෙන්ම සංචාරක ඉපයුම් සහ විදේශ ප්‍රේෂණ සහ අපනයන ආදායම් ඉහළ යාම් හේතු වී ඇත. 2023 වසරේ දෙසැම්බර් වන විට සංචිතය ඉහළ ගිය අතර, එක්සත් ජනපද ඩොලරයට සාපේක්ෂව ශ්‍රී ලංකා රුපියල් සියයට දොළහකින් අති ප්‍රමාණය වී ඇති බවද අධිපතිවරයා කීය. කොළඹ කොටුව ශ්‍රී ලංකා මහ බැංකු මූලස්ථානයේ ඊයේ (23) පැවැති මුදල් ප්‍රතිපත්ති දැනුම්දීමේ මාධ්‍ය හමුවේදී අධිපතිවරයා මේ බව පැවසීය.