වගා වනසන සතුන්ට ඔ්න දෙයක් කරන්න..- ලාල් කාන්ත
Friday, 06 December 2024 - 10:43 pm
තම වගාබිම් තුළ වන සතුන්ගෙන් සිදුවන වගා හානි සම්බන්ධයෙන් ගොවීන්ට ඕනෑම ක්‍රියාමාර්ගයක් ගත හැකි බව කෘෂිකර්ම, පශු සම්පත්, ඉඩම් සහ වාරිමාර්ග අමාත්‍ය ලාල්කාන්ත මහතා පවසයි.
ඔහු පාර්ලිමේන්තුවට පැවසුවේ වන සතුන්, විශේෂයෙන් වඳුරන් විසින් වගාවන්ට හානි කිරීම බරපතල ප්‍රශ්නයක් වී ඇති අතර වන සතුන්ගෙන් සිදුවන හානි ගොවීන්ට පමණක් නොව මහජනතාවට ද ප්‍රශ්නයක් වී ඇති බවය.
තම වගාබිම් තුළ වන සතුන්ගෙන් සිදුවන වගා හානි සම්බන්ධයෙන් ගොවීන් ක්‍රියාමාර්ග ගැනීමට එරෙහිව කිසිදු නීතිමය ගැටලුවක් නොමැති බව ඔහු පැවසීය.
“හැකි ඕනෑම ක්‍රියාමාර්ගයක් ගන්න,” ඔහු පැවසීය.
ගොවීන් මුහුණ දෙන ගැටලුවලට විසඳුම් සෙවීමේ වගකීම අමාත්‍යාංශය විසින් භාරගෙන ඇති බවත්, එය වැඩි කල් නොගොස් විසඳන බවත් අමාත්‍යවරයා පැවසීය.
