උපයෝගිතා කොමිසමේ සභාපති පුටුවට චෝදනා ලත් ලංවිම නිලධාරියෙක්!
Tuesday, 03 September 2024 - 12:40 pm
පුරවැසි බලයෙන් අල්ලස් කොමිසමට පැමිණිල්ලක්
විදුලිබල මණ්ඩලයේ මූල්‍ය වංචාවකට වරදකරු වූ නිලධාරියකු මහජන උපයෝගිතා කොමිසමේ නව සභාපතිවරයා ලෙස පත් කිරීමට ජනපතිවරයා ගෙන ඇති තීරණය ජනතා පරමාධිපත්‍යය සහ මැතිවරණ නීතිය උල්ලංඝනය කිරීමක් වන බැවින් ඒ පිළිබඳව විමර්ශනයක් සිදුකරන ලෙස ඉල්ලමින් ඊයේ (02දා) ‘අල්ලස දූෂණය නාස්තියට එරෙහි පුරවැසි බලය’ විසින් මැතිවරණ කොමිසමට පැමිණිල්ලක් ඉදිරිපත් කර තිබේ.
මෙම නිලධාරියා මහජන උපයෝගිතා කොමිසමේ නව සභාපතිවරයා ලෙස පත්කර ගැනීමෙන් අනතුරුව ජනාධිපතිවරණයට ප්‍රථම පුනකරි සහ ඔඩ්ඩමාවඩි ව්‍යාපෘතිවල බලශක්ති මිලදී ගැනීමේ ගිවිසුම් අත්සන් කර ඒ සඳහා පත් කිරීමට යෝජිත සභාපතිවරයාගේ අනුමැතිය ලබාගැනීම, ජනපතිවරයාගේ සහ විෂයභාර ඇමැතිවරයාගේ අරමුණ වී ඇතැයි ද ‘පුරවැසි බලය’ සංවිධානයේ සභාපති, ජාමුනි කමන්ත තුෂාර මහතා සිය පැමිණිල්ලේ සඳහන් කර තිබේ. මහජන උපයෝගිතා කොමිසමේ වත්මන් සභාපතිවරයාගේ ධුර කාලය පසුගිය ජුනි 15 දායින් අවසන්වීමට නියමිතව තිබිණි.
.webp)
