චන්ද්‍රාණි බණ්ඩාරට අධි චෝදනා භාරදෙයි
Friday, 06 June 2025 - 5:04 pm
හිටපු ඇමතිනි චන්ද්‍රාණි බණ්ඩාරට එරෙහිව අද කොළඹ මහාධිකරණය හමුවේ අධි චෝදනා භාරදී තිබෙනවා.
ඒ අනුව, පසුගිය යහපාලන රජය සමයේ කාන්තා හා ළමා කටයුතු සහ වියලි කලාප සංවර්ධන අමාත්‍යවරිය ලෙස කටයුතු කරමින්, නිසි ක්‍රියා පටිපාටිය අනුගමනය නොකොට, එච්.එම්. චන්ද්‍රවංශ නැමැත්තෙකු වියළි කලාප සංවර්ධන අමාත්‍යාංශයේ ව්‍යාපෘති අධ්‍යක්ෂ ධුරයට පත් කිරීම සහ සිය හිතවතුන් පිරිසක් නීත්‍යානූකූල නොවන ආකාරයට විවිධ තනතුරුවලට පත් කිරීම සඳහා එම අමාත්‍යංශයේ නිලධාරීන්ට බලපෑම් කිරීම තුළින් ‘දූෂණය’ නමැති වරද සිදු කළේ යැයි ඇයට එරෙහිව චෝදනා එල්ල වී තිබෙනවා.
අල්ලස් කොමිසම විසින් ගොනුකර තිබුණු මෙම අධි චෝදනා පත්‍රය කොළඹ මහාධිකරණ විනිසුරු ආදිත්‍ය පටබැඳිගේ ඉදිරියේ භාරදීම සිදුවු අතර, ඉන් අනතුරුව විත්තිකාරියගේ ඇඟිලි සලකුණු ලබාගන්නා ලෙස නියෝග කළ විනිසුරුවරයා විත්තිකාරිය රුපියල් ලක්ෂ 10 බැගින් වූ ශරීර ඇප දෙකක් මත මුදා හැරීමට නියෝග කර තිබෙනවා.
.webp)
.webp)
