කැනඩා සය පුද්ගල ඝාතනයේ සැකකරු යළි රිමාන්ඩ්
Friday, 15 March 2024 - 4:00 pm
කැනඩාවේ, ඔටාවා හී ශ්‍රී ලාංකිකයින් 6 දෙනෙකු ඝාතනය කිරීමේ සිද්ධියට අදාළ නඩු විභාගය යළි කැඳවා තිබෙනවා.
එහිදී ඔටාවා හි රැඳවුම් මධ්‍යස්ථානයක රඳවා සිටින සැකකාර 19 හැවිරිදි ශ්‍රී ලාංකික සිසුවා දුරකථනය ඔස්සේ අධිකරණය හමුවේ සිදුතළ නඩු විභාගය විනාඩි 4 කට සීමාවී ඇති බවයි විදෙස් මාධ්‍ය වාර්තා කරන්නේ.
නඩු විභාගය අතරතුර ඔහුගේ නම සහ උපන්දිනය කෙඳිරි හඬින් පවසා ඇති අතර විශෝධන නිලධාරීයා එය පැහැදිළිව ඇසෙන ලෙස උස් හඬින් ප්‍රකාශ කරන ලෙස දැනුම්දී තිබෙනවා.
නඩු විභාගයේදී මියගිය ශ්‍රී ලාංකික පවුලේ අයගේ නම්වල දෝෂ නිවැරදි කර ඇති අතර චෝදනාවලද කිසිඳු වෙනසක් සිදු නොවූ බවද කැනඩා මාධ්‍ය වාර්තා කර තිබුණා.
සැකකරු තවදුරටත් රක්ෂිත බන්ධනාගාරගත කර ඇති අතර නඩු විභාගය එළඹෙන 28 වනදා යළි කැඳවීමට නියමිත බවයි වැඩිදුරටත් විදෙස් මාධ්‍ය වාර්තා වාර්තා කරන්නේ.
