Local

උපයෝගිතා කොමිසමේ අනුමැතියෙන් තොරව පුනකරි – ඔට්ටමාවඩි බලාගාර ව්‍යාපෘති ක්‍රියාත්මක කිරීමේ තැතක්

Monday, 02 September 2024 - 9:13 am

ලංවිම වෘත්තීය සමිතිවලින් චෝදනා

පුනකරි සහ ඔට්ටමාවඩි විදුලිබලාගාරවලට අදාළ ව්‍යාපෘති මහජන උපයෝගිතා කොමිසමේ අනුමැතියෙන් තොරව ක්‍රියාත්මක කිරීම සඳහා ජනාධිපතිවරයාගේ විෂයභාර ඇමැතිවරයා ක්‍රියා කරන බව විදුලි බල මණ්ඩල වෘත්තීය සමිති චෝදනා කරයි.

අතිශය දූෂිත ගනුදෙනුවක් ලෙස ප්‍රචලිත මෙම ව්‍යාපෘතියට ලංකා විදුලි බල මණ්ඩලයේ සේවය කළ නිලධාරියකු මහජන උපයෝගිතා කොමිසමේ නව සභාපති ලෙස පත්කර, අනුමැතිය ලබාගැනීමට සූදානම් වන බවට වෘත්තීය සමිති චෝදනා කරයි.

මෙම නිලධාරියා විවිධ චෝදනාවන්ට ලක්වූ අයකු බවටත් වෘත්තීය සමිති චෝදනා කරයි.

මහජන උපයෝගිතා කොමිෂන් සභාවේ සභාපතිවරයාගේ නිලකාලය පසුගිය 15 වැනිදායින් අවසන්වීමට නියමිතව තිබිණි.