හම්බන්තොට ෂුවර් නෑ.. නාමල් ජොනී තලාගෙන කුරුණෑගලට පනී.. දැන් දෙන්නාම ෂුවර් නෑ..
Thursday, 03 October 2024 - 1:14 pm
පැවැත්වීමට නියමිත පාර්ලිමේන්තු මැතිවරණයේදී හිටපු පාර්ලිමේන්තු මන්ත්‍රී නාමල් රාජපක්ෂ මහතා කුරුණෑගල දිස්ත්‍රික්කයෙන් තරග වැදීමට සූදානම් වෙයි.
මේ පිළිබඳව ශ්‍රී ලංකා පොදුජන පෙරමුණේ ජ්‍යෙෂ්ඨයන් කිහිප දෙනෙකු සමගද සාකච්ඡා කර ඇතැයි වාර්තා වෙයි.
මීට පෙර නාමල් රාජපක්ෂ මහතා පාර්ලිමේන්තුවට තේරී පත්වූයේ හම්බන්තොට දිස්ත්‍රික්කයෙන් වන නමුත් පසුගිය ජනාධිපතිවරණයේදී හම්බන්තොට දිස්ත්‍රික්කයේ ඡන්ද බෙදීයාම සැලකිල්ලට ගනිමින් වැඩි ඡන්ද දායක ප්‍රමාණයක් නියෝජනය කරන කුරුණෑගල දිස්ත්‍රික්කයෙන් තරග වැදීමට ඔහුගේ අවධානය යොමු වී තිබේ.
නමුත් කුරුණෑගල දිස්ත්‍රික්කයේ ශ්‍රී ලංකා පොදුජන පෙරමුණේ ප්‍රබලයකු වන ජොන්ස්ටන් ප්‍රනාන්දු මහතා නියෝජනය කරන නාමල් රාජපක්ෂ මහතාගේ මෙම තීරණයත් සමග එම දිස්ත්‍රික්කයෙන් දෙදෙනාටම පාර්ලිමේන්තු ඒමේ හැකියාවක් ඇද්දයි ගැටළුවක් මතුවී තිබේ.
ශ්‍රී ලංකා පොදුජන පෙරමුණ පසුගිය ජනාධිපතිවරණයේදී ලංකාවේම ලබාගත් ඡුන්ද ප්‍රමාණය අනුව එක ජාතික ලයිස්තු මන්ත්‍රී දුරයක් පමණක් ලබා ගැනීමේ හැකියාව ඇති අතර කිසිදු දිස්ත්‍රික්කයකින් ඔවුන්ට සෘජුව මන්ත්‍රී ධුරයක් එම ප‍්‍රථිපලය අනුව හිමි නොවෙයි.
.webp)
.webp)
