මැතිවරණයෙන් පසු නව අගමැති සජිත්..
Tuesday, 29 October 2024 - 10:16 pm
2024 මහ මැතිවරණයෙන් මහනුවර දිස්ත්‍රික්කයෙන් සමගි ජන බලවේගය මන්ත්‍රිධුර හතක් හිමිකර ගනිමින් මහනුවර දිස්ත්‍රික්කය අති විශ්ෂඨ ලෙස ජයග්‍රහණය කරන බව සමගි ජන බලවේගයේ ජාතික සංවිධායක සහ මහනුවර දිස්ත්‍රික් අපෙක්ෂක තිස්ස අත්තනායක මහතා පැවසිය.
තිස්ස අත්තනායක මහතා ඒ බැව් කියා සිටියේ නාවලපිටිය රඹුක්පිටිය ප්‍රදේශයේ පැවති මැතිවරණ ප්‍රචාරක රැස්විමකින් අනතුරුව මාධ්‍යට අදහස් දක්වමිණි.
මෙහිදි වැඩිදුරටත් අදහස් දැක් වු තිස්ස අත්තනායක මහතා කියා සිටියේ පසුගිය ජනාධිපතිවරණයේදි ජාතික ජන බලවේගය සමගි ජන බලවේගයට වඩා ජන්ද හැට දහසකින් පමණ මහනුවර දිස්ත්‍රික්කය ජයග්‍රහණය කල බවයි.
ජනාධිපතිවරණයේ ජාතික ජන බලවේගයට ජන්දය ප්‍රකාශ කල වැඩි පිරිසක් මේ වන විට සමගි ජන බලවේගය සමග එක් වි සිටින බවත්, ඒ අනුව මහනුවර දිස්ත්‍රික්කය ජාතික ජන බලවේගය ජනාධිපතිවරණයේදි ලබාගත් ජන්ද සංඛ්‍යාවට වඩා වැඩි ප්‍රමාණයක් මෙවර මහ මැතිවරණයෙන් සමගි ජන බලවේගය ලබාගන්නා බවයි.
ඇල්පිටිය ප්‍රාදේශිය සභා ජන්දයෙන් ජාතික ජන බලවේගයට ජන්ද දායකයින් සංඥාවක් ලබාදුන් බවත්, ඒ අනුව පාර්ලිමේන්තු මැතිවරණයේදි සමගි ජන බලවේගයේ රජයක් පිහිටුවිමට මේ රටේ ජන්ද දායකයින් කටයුතු කරන බවයි.
මැතිවරණයෙන් පසු පත්වන රජයේ අග්‍රාමාත්‍යවරයා සමගි ජන බලවේගයේ නායක සජිත් ප්‍රේමදාස මහතා බවත්, ඒ අනුව ජනාධිපතිවරයාගේ කාර්ය භාරය ජනාධිපතිවරයා ඉටු කරන අවස්තාවේ අග්‍රාමාත්‍ය සජිත් ප්‍රේමදාස මහතාගේ කාර්ය භාරය ඔහු සිදු කරන බවයි තිස්ස අත්තනායක මහතා වැඩිදුරටත් කියා සිටියේ.
.webp)
