ශිෂ්‍යත්ව විභාගයේ ගැටලුවට මානව හිමිකම් කොමිසමෙන් විමර්ෂනයක්
Thursday, 26 September 2024 - 8:36 pm
පසුගියදා නිමාවට පත්වූ 05 ශ්‍රේණිය ශිෂ්‍යත්ව විභාගයේ ගැටලුකාරී තත්වය පිළිබදව විමර්ශනයක් මේ වන විට සිදුකෙරෙන බව ශ්‍රී ලංකා මානව හිමිකම් කොමිෂන් සභාව පවසයි.
මානව හිමිකම් සභාවේ කොමසාරිස්වරයා ඇතුලු නිළධාරීන්ගේ සහභාගීත්වයෙන් මෙම විමර්ශනය පැවැත්වෙන බව එහි ප්‍රකාශකයෙකු සදහන් කළේය.
එම විමර්ශනය සදහා අධ්‍යාපන අමාත්‍යංශයේ සහ විභාග දෙපාර්තමේන්තුවේ බලධාරීන් පෙනී සිටින බව වාර්තා වෙයි.
ඊට අමතරව ශිෂ්‍යත්ව විභාගයට පෙනී සිටි දරුවන්ගේ දෙමව්පියන් පිරිසක් ද මානව හිමිකම් කොමිෂන් සභාවට පැමිණ තිබේ.
ශිෂ්‍යත්ව විභාගය යළි පැවැත්වුවහොත් දරුවන් යළි පීඩාවට පත්වන බව දෙමව්පියන් කොමිෂන් සභාව හමුවේ පැමිණිලි කර තිබේ.
මේ අතර ශිෂ්‍යත්ව ප්‍රශ්න පත්‍ර ගැටලුව දරුවන්ට අසාධාරණයක් නොවන ලෙස කඩිනමින් විසදන ලෙසට අග්‍රමාත්‍ය ආචාර්ය හරිනි අමරසූරිය මෙනෙවිය අධයාපන බලධාරීන්ට උපදෙස් දී තිබේ.
.webp)
