Sports

ශ්‍රී ලංකාවට එන නවසීලන්ත ටෙස්ට් කණ්ඩායම

Monday, 12 August 2024 - 10:59 pm

ලබන මස ශ්‍රී ලංකාවේ සංචාරය කිරීමට නියමිත නවසීලන්ත ටෙස්ට් ක්‍රිකට් සංචිතය නම්කර තිබේ.

ක්‍රීඩකයින් 15 දෙනෙකුගෙන් සමන්විත එම සංචිතයේ නායකත්වය සඳහා ටිම් සවුති ව නම්කර තිබුණි.

එම සංචිතයේ අනෙක් ක්‍රීඩකයින් වන්නේ, ටොම් බ්ලුන්ඩෙල්, මයිකල් බ්‍රෙස්වල්, ඩෙවොන් කොන්වේ, මැට් හෙන්රි, ටොම් ලේතම්, ඩැරීල් මිචල්, විල් ඕ' රූක්, අජාස් පටෙල්, ග්ලෙන් පිලිප්ස්, රචින් රවින්ද්‍රා, මිචෙල් සැන්ටර්, බෙන් සියර්ස්, කේන් විලියම්සන් සහ විල් යං

සැප්තැම්බර් 18 සහ 26 යන දිනවල එම ටෙස්ට් තරග දෙක ගාල්ල ජාත්‍යන්තර ක්‍රිකට් පිටියේදී ආරම්භවීමට නියමිතය.

ලෝක ටෙස්ට් ශූරතාවලිය යටතේ එම තරග පැවැත්වෙයි.