පොල් ගෙඩි මිලියන 200 ක් ආනයනයට අවසර ඉල්ලයි
Wednesday, 22 January 2025 - 8:40 pm
ඉදිරි මාස කිහිපය ඇතුළත පොල් ගෙඩි මිලියන 200 ක් ආනයනය කිරීමට අවසර ලබාදෙන ලෙස රජයෙන් ඉල්ලීමක් කර ඇති බව ලංකා පොල් කර්මාන්ත මණ්ඩලය පවසනවා.
පොල් ආශ්‍රිත, නිෂ්පාදන අපනයන කර්මාන්ත අංශය සඳහා අවශ්‍ය පොල් තොග කඩිනමින් ආනයනය කිරීමට කටයුතු නොකළහොත්, ඩොලර් බිලියනයක පමණ ආදායමක් රටට අහිමි වනු ඇති බවයි එහි සභාපති ජයන්ත සමරකෝන් සඳහන් කළේ.
දැනට පවතින පොල් හිඟයට ප්‍රධානතම හේතුව පොහොර මිල ගණන් ඉහළ යාම බවයි එහි සභාපති ජයන්ත සමරකෝන් සඳහන් කරන්නේ.
මෙරට වාර්ෂික දළ පොල් ගෙඩි නිෂ්පාදනය ගෙඩි මිලියන 3,000 ක් වූවත්, ඉකුත් වසරේදී එය පොල් ගෙඩි මිලියන 2,680 ක් දක්වා අඩු වී තිබෙන බවත්, මේ වසරේදී මෙරට පොල් නිෂ්පාදනය ගෙඩි මිලියන 2400 - 2600 අතර ප්‍රමාණයක් දක්වා අඩුවන බවට පොල් පර්යේෂණ ආයතනය පුරෝකථනය කර ඇති බවයි ඔහු වැඩිදුරටත් සඳහන් කළේ.
.webp)
