ශ්‍රී ලංකා ක්‍රිකට් ආයතනයේ 2025 නිලවරණය ලබන මාර්තු මස 31 වැනිදා පැවැත්වීමට නියමිතව තිබෙනවා.

ශ්‍රී ලංකා ක්‍රිකට් ආයතනයේ නව ව්‍යවස්ථා සංශෝධනයට අනුව පැවැත්වෙන පළමු නිලවරණය මෙය ලෙසයි සටහන් වෙන්නේ.

මෙවර ඡන්ද සංඛ්‍යාවද 147 සිට 60 දක්වා අඩුකර තිබෙන අතර, නාමයෝජනා භාර ගැනීම ඊයේ (23) දිනයෙන් අවසන් වුණා.

මෙවර නිලවරණය සඳහා වත්මන් සභාපති ෂම්මි සිල්වා ඇතුළු පාර්ශවය, SCC ක්‍රීඩා සමාජය වෙනුවෙන් සමන්ත දොඩංවල හා සැරසන්ස් ක්‍රීඩා සමාජය වෙනුවෙන් ජයන්ත ධර්මදාස නාමයෝජනා ඉදිරපත් කර තිබෙනවා.

2023-2025 කාල සීමාව සඳහා පැවති නිලවරණයේදී ෂම්මි සිල්වා නිතරගයෙන් තේරී පත්ව තිබුණා.

ශ්‍රී ලංකා ක්‍රිකට් නිලවරණයේ නාමයෝජනා සඳහා වන විරෝධතා භාරදීමට ජනවාරි මස 29 වැනිදා දක්වා කාලය ලබාදී තිබෙනවා.