Business

ඇපල් සන්නාමයේ වටිනාකම ඩොලර් ට්‍රිලියනය පන්නයි

Wednesday, 31 July 2024 - 2:30 pm

ඩොලර් ට්‍රිලියනයක සන්නාම වටිනාකමකට හිමිකම් කීමට සමත් වූ ලොව පළමු සන්නාමය බවට පත්වීමට Apple සමාගම සමත් වී තිබෙනවා. ඒ, ගෝලීය ශ්‍රේණිගත කිරීම් ආයතනයක් වන Kantar\'s BrandZ විසින් සිදු කරන ලද ශ්‍රේණිගත කිරීමකට අනුවයි.
එම ලැයිස්තුවේ දෙවැනි ස්ථානය දිනා සිටින්නේ, ඩොලර් බිලියන 753ක වටිනාකමකටට හිමිකම් කියන ගූගල් සන්නාමය වන අතර, එහි තුන්වැනි ස්ථානය ඩොලර් බිලියන 713 ක සන්නාම වටිනාකමකට හිමිකම් කියන මයික්‍රොසොෆ්ට් සන්නාමය විසින් හිමි කරගෙන තිබෙනවා.
කෙසේ නමුත් මෙම වසරේ දී ද ලොව ඉහළම වටිනාකමට හිමිකම් කියනු ලබන ගෝලීය සන්නාමය බවට ඇපල් පත්ව ඇති අතර, ඒ අඛණ්ඩව තෙවැනි වතාවට වීම ද විශේෂත්වයක්.