Local

යාල ජාතික වනෝද්‍යානයේ සීමිත මාර්ග සංඛ්‍යාවක් අද පස්වරු 2.00 සිට යළි විවෘත කෙරේ

Wednesday, 05 March 2025 - 6:54 pm

තාවකාලිකව සංචාරකයින්ට වසා දැමුණු යාල ජාතික උද්‍යානයේ සීමිත මාර්ග ප්‍රමාණයක් අද (05) සිට විවෘත කිරීමට පියවර ගන්නා බව වනජීවි සංරක්ෂණ දෙපාර්තමේන්තුව පවසනවා.

ඒ අනුව අද පස්වරු 2.00 සිට එම මාර්ග නැවත සංචාරකයන්ට විවෘත කෙරෙන බවයි එහි උද්‍යාන නිලධාරීවරයා සඳහන් කළේ.

පසුගිය දිනවල පැවති වැසි සහිත අයහපත් කාලගුණ තත්ත්වයත් සමඟ යාල ජාතික උද්‍යානයේ මාර්ග පද්ධතියට සිදුවන හානිය අවම කර ගැනීම සහ වන සතුන්ගේ ආරක්ෂාව සඳහා යාල වනෝද්‍යානය මාර්තු 01 දින සිට තාවකාලිකව වසා දැමීමට පියවර ගෙන තිබුණා.කෙසේ වෙතත් වර්ෂාව හේතුවෙන් අබලන් තත්ත්වයට පත්වීමට හැකියාව ඇති මාර්ග තවදුරටත් සංචාරකයන්ට වසා තැබෙන බවයි වැඩිදුරටත් සඳහන් වන්නේ.