Local

2024 අයවැය යෝජනා මඟින් ඖෂධ ප්‍රසම්පාදන ක්‍රියාවලියේ දූෂණ අක්‍රමිකතා මැඩලීමට පියවර ගෙන තිබෙනවා – සෞඛ්‍ය රාජ්‍ය අමාත්‍ය විශේෂඥ වෛද්‍ය සීතා අරඹේපොළ

Saturday, 02 December 2023 - 7:34 am

2024 අයවැය යෝජනා මඟින් ඖෂධ ප්‍රසම්පාදනය සම්බන්ධයෙන් සුවිශේෂී මාර්ගෝපදේශ නිකුත් කිරීම සහ ඒ සඳහා වෙනම ආයතනයක් පිහිටුවීමට අවධානය යොමු කර ඇති බවත්, එමඟින් ඖෂධ ආනයනයේදී සිදුවන දූෂණ අක්‍රමිකතා ඇතුළු අනෙකුත් ප්‍රශ්නගත සිදුවීම් වළක්වා ගැනීමට අවස්ථාව හිමිවන බවත් සෞඛ්‍ය රාජ්‍ය අමාත්‍ය විශේෂඥ වෛද්‍ය සීතා අරඹේපොළ මහත්මිය පැවසුවාය.
එසේම සෞඛ්‍ය ක්ෂේත්‍රයේ පවතින ගැටළු විසඳීම වෙනුවෙන් සෞඛ්‍ය අමාත්‍යාංශයේ මානව සම්පතෙහි මෙන්ම, පවතින නීති රීති සහ කෙටුම්පත්වල වෙනස්කම් සිදු කිරීමට බලාපොරොත්තු වන බව ද රාජ්‍ය අමාත්‍යවරිය සදහන් කළාය.
සෞඛ්‍ය රාජ්‍ය අමාත්‍ය විශේෂඥ වෛද්‍ය සීතා අරඹේපොළ මහත්මිය මේ බව සඳහන් කළේ ‘ස්ථාවර රටකට සැවොම එක මඟකට’ මැයෙන් අද (01) ජනාධිපති මාධ්‍ය කේන්ද්‍රයේ පැවති ප්‍රවෘත්ති සාකච්ඡාවට එක්වෙමිනි.
එහිදී වැඩිදුරටත් අදහස් දැක්වූ රාජ්‍ය අමාත්‍යවරිය මෙසේද පැවසුවාය,
රට තුළ රෝහල් පද්ධතියට මෙන්ම විශේෂයෙන් සායනික කටයුතු සඳහා අවශ්‍ය ගුණාත්මක ඖෂධ රෝගීන්ට ලබාදීම සම්බන්ධයෙන් අප මේ වන විට ඉහළ අවධානයක් යොමු කර තිබෙනවා. පවතින ආර්ථික තත්ත්වය මත ශෛල්‍ය සහ නඩත්තු කටයුතුවල යම් පසුබෑම් ඇති වී තිබෙනවා. නමුත් ලබන වසරේදී දේශීය සහ විදේශියව ලැබෙන මූල්‍යමය දායකත්වයන් සමඟ එම තත්ත්වය මඟහරවා ගනිමින් එම කටයුතු සාර්ථක කරගැනීමට බලාපොරොත්තු වනවා.
ඒ වගේම සෞඛ්‍ය අමාත්‍යාංශයේ ව්‍යුහාත්මක වෙනස්කම් රාශියක් සිද්ධ කළ යුතුව තිබෙනවා. පසුගිය සතියේ ද යම් වෙනස්කම් කිහිපයක් අප විසින් සිදු කළා. ඉදිරි සතිය තුළ තවත් වෙනස්කම් කිහිපයක් සිදු කිරීමට නියමිතයි. එමෙන්ම සෞඛ්‍ය අමාත්‍යාංශයේ මානව සම්පත, පවතින නීති රීති සහ කෙටුම්පත්වල ද වෙනස්කම් සිදු කිරීමට අප බලාපොරොත්තු වනවා.
මේ වන විටත් ප්‍රසම්පාදන ක්‍රියාවලියේ ද වෙනස්කම් රැසක් සිදු කර තිබෙනවා. ඒ වගේම 2024 අයවැය යෝජනා මඟින් ඖෂධ ප්‍රසම්පාදනය සම්බන්ධයෙන් සුවිශේෂී මාර්ගෝපදේශ නිකුත් කිරීම සහ ඒ සඳහා වෙනම ආයතනයක් පිහිටුවීමට අවධානය යොමු කර තිබෙනවා. එමඟින් ඖෂධ ආනයනයේදී සිදුවන දූෂණ අක්‍රමිකතා ඇතුළු අනෙකුත් ප්‍රශ්නගත සිදුවීම් වළක්වා ගැනීමට අවස්ථාව හිමි වනවා.
රට තුළ පවතින ඖෂධ අවශ්‍යතාවය සපුරා ගැනීම සඳහා මෙරට තුළ ඖෂධ නිෂ්පාදනය කිරීම සහ ඒවා වෙළදපලට හඳුන්වාදීම තවදුරටත් වැඩි කිරීමට අවශ්‍ය ක්‍රියාමාර්ග ගැනෙමින් තිබෙනවා. ඒ වගේම සෞඛ්‍ය ක්ෂේත්‍රයට බලපාන මානව සම්පත කළමනාකරණය කිරීම සඳහා ද ජනප්‍රිය නොවන තීන්දු රැසකට එළඹීමට සිදුව තිබෙනවා. ඒ සඳහා තනතුරුවල වෙනස්කම් රැසක් සිදු කළා. මේ සෑම වෙනස්කමකින්ම අප බලාපොරොත්තු වන්නේ, ඖෂධ සම්බන්ධයෙන් පවතින ගැටළු නිරාකරණය කිරීමයි.
ඒවගේම ප්‍රාථමික සෞඛ්‍ය සේවයේ ප්‍රතිසංස්කරණ කිහිපයක් සිදු කිරීමට ද නියමිතයි. සැමට සමාන වූ සෞඛ්‍ය සේවයක් ලබා දෙන්නේ කෙසේ ද යන්න (Universal Health Coverage) සහ (Social protection) සමාජ ආරක්ෂණය පිළිබඳව ලෝකයේ මේ වන විට අවධානය යොමු වී තිබෙනවා. ඒ වෙනුවෙන් ලෝක සෞඛ්‍ය සංවිධානය සමග සෞඛ්‍ය අමාත්‍යාංශය එක්ව කටයුතු කරමින් සිටිනවා.
ඒ වගේම පවතින වර්ෂාවත් සමග ඩෙංගු පැතිරීමේ වර්ධනයක් පෙන්නුම් කරනවා. සෞඛ්‍ය කාර්යය මණ්ඩලවල සහයෝගය නිසා පසුගිය වසරට සාපේක්ෂව මෙම වසරේ මරණ ප්‍රතිශතය අඩු කරගැනීමට අපට හැකි වී තිබෙනවා.


Top Stories
wedivistara

මෛත්‍රී නිදහස් පක්ෂ සභාපති ධුරයෙන් ඉවත් වෙයි

wedivistara

අපි කියන වැදගත් දේශපාලන සංකල්ප වත්මන් පාලකයින් විකෘති කරමින් ඉන්නවා - අනුර

wedivistara

ජ්‍යේෂ්ඨ පුරවැසියන්ගේ ඉතුරුම් පොලී අනුපාත ගැන විශ්ලේෂණයක් කිරීමට රජයෙන් පියවර

wedivistara

වාහන ආනයනය ලබන වසරේ සිට ක්‍රමානූකූලව ලිහිල් කිරීමට බලාපොරොත්තු වෙනවා - ශෙහාන් සේමසිංහ

wedivistara

දන්සැල් සඳහා ලංකා සතොසෙන් විශේෂ වට්ටම්

wedivistara

මංගල සාදයට ගිය කැබ් රථයක් අනතුරක – කාන්තාවක් මරුට – 9කට තුවාල

Trending
wedivistara

WhatsApp Group හරහා සිදුවන මුදල් වංචාවලින් ප්‍රවේශම් වන ලෙස දැනුම්දීමක්

wedivistara

අමෙ­රි­කානු සහ­කාර රාජ්‍ය ලේකම් ඩොනල්ඩ් ලූ ළඟ­දීම මෙර­ටට

wedivistara

විදුලිබල පනත් කෙටුම්පතට එරෙහි පෙත්සම් විභාගය ආරම්භ වෙයි

wedivistara

ප්‍රබල අකුණු පිළිබඳ අවවාදාත්මක නිවේදනයක්

wedivistara

ජපාන, දකුණු අප්‍රිකා, ස්විට්සර්ලන්ත තානාපතිවරු හා ජාතික ජන බලවේගය අතර හමුවක්

wedivistara

දිවයිනේ බොහෝ ප්‍රදේශවලට අද වැසි


NEWS ALERT